[A:85]du byas pas nad pa rnams kyang legs par gsos/ gsung chos kyang tshig 'bru gcig tu longslong pa ma chagaphyag dpe yang legs par 'grub ces dngos su zhal las thos te/ nges par brtson 'grus kyi pha rol du phyin pa rdzogs par gdon mi za ba'i rnam thar du snang bas dam pa rnams kyis thos ma thag tu thal mo sbyar zhing 'dud pa'i gnas yin la/ dman pa rnams kyis ni/ rjes su yi rang ba tsam yang bya bar dka' ste/ rang nyid kyi blo la mi shong ba'i phyir ro// phyis dgung lo drug cu bgrangs pa'i tshe yang mtshan mo mnal ye mi mdzad par zhabs skor dang thugs dam mdzad pa na/ bdag g-is kyang yun ring po'i bar du phyag phyi byas/ snyugs bud nas/ ma mnyam pas ma mnyam pa yin snyam du sgy-id lug ste/ lkog 'khris der nyal nas bsdod dgos pa rgyun du byung bas gong gi rnam thar de dag la nges pa gting tshugs pa rnyed do/ /de rnams kyi dus su sbyangs pa'i yon tan nam bza' chos gos rnam pa gsum byin brlabs chags tsam re dang | gzims chas phying ser gru bzhi gcig la yun ring du brten/ gnas mal yang gad skyibs dang / rtsig ra dang / phug pa re tsam la mdzad/ chos 'khor du phebs nas kyang / phug pa byang du grags pa'i gad skyibs la bzhugs gding laba sgo'i rnam pa mdzad de bzhugs/ zhal zas kyang grogs gzhan rnams thug pa skol bar brtsam pa na/ gsol lhung bsnams te spyod yul gyi grong rnams su bsod snyoms la byon pas phal cher/ tshwa rtsam de ma thag tu brnyed pas/ phebs pa na grogs kyi thug pa khol ba yong / res 'ga' ni/ sred med dang zar ma'i rtsam pa phye skag gi zur tsam re las ma rnyed pa dang / sha ru nas ma rnyed pa