[A:86]khang dmar du tshol du byon pa dang / de dus sha ru nas kha tshang pa rgyal mtshan dpal dang | mchog lung nas chu thags pa rgyal mtshan bzang po zhes bya bas rtsam pa gzhong pa re tsam dang mar dkrog re tsam phul/ bsod snyoms rgyun du byin pas| chos sgrub pa'i mthun rkyen pa yin gsung nas phyis kyang drin gzo mdzad/ de dus skabs gcig tu mar dkrog bzang po zhig 'bul mkhan byung ba de ma thag tu/ chos rje lo chen gyi gsol ja ba la gtad nas bshos mar sogs la gang 'gro mdzod gsung ba/ gsol ja bas sku mdun du phul bas/ khong pa la sus phul gsung / bsod snyoms la byon pas 'bul mkhan byung par gda' ba zhus pas rgyun du bsod snyoms mdzad na 'o rgyal/ zhib kyal bzang pa zhig phul gsung nas gnang bas/ mar dkrog des kyang bla ma'i skor dang sbyar zhes gsung ngo | |mdor na/ rang gi chos yongs su rdzogs pa'i don bsdu ba ni/ de ltar/ 'dren mchog chos rje rnam gsum gyi/ /lung dang rtogs pa'i bstan pa ma lus pa// rdzogs par rgyal sras khyed kyis legs par bzung / /zla med sras kyi thu bor gyur la 'dud/ /ces pa ste/ g.yas ru stag tshang gi lo chen skyabs mchog dpal bzang po/ grom pa red mda'i mkhas pa gzhon nu blo gros/ mdo smad tsong kha'i bstan 'dzin blo bzang grags pa ste/ dbus gtsang gi chos rje rnam gsum du grags pa spyir sangs rgyas kyi bstan pa la ston pa'i bya ba tshul bzhin du mdzad pas| sa gsum na snyan pa'i grags pas khyab pa/ khyad par gnam rtse ldeng du lhag pa tshul khrims kyi bslab pa gtso bor gyur pa'i chos kyi 'khor lo rmad du byung ba| sngon chad 'jig rten du ma bskor ba zhig legs par bskor bas rgyal ba'i