[A:93]nas| kun gyi yid 'phrog pa mdzad/ grub pa'i tshe chos rje sengge'i mtshan can gyis rab gnas kyi cho ga shin tu rgyas par mdzad pas/ chos dbyings gsung dbang dang | rnam snang mngon byang gi dkyil 'khor gtso bos me tog bzhes pa sogs/ shin tu ngo mtshar ba'i ltas du ma byung ngo / /de lta bu'i gzhal yas khang de'i dkyil 'khor phal che ba la/ sems dpa' chen po nyid kyis/ dkyil 'khor so so'i mdun du / mchod pa legs par bshams pa'i bdag 'jug brgya rtsa re bzhes/ shing mo sbrul de nas da'i bar du lo re bzhin cho 'phrul gyi zla ba phyed pa'i bar la/ dge 'dun mang na brgya dang bcu grangs/ ji ltar nyung na'ang brgyad cu gya grangs kyis| gsang 'dus 'phags lugs kyi cho ga nyin re tshar gnyis ma chag pa/ rje nyid kyis rdo rje phreng bas thog drangs pa'i dbang bskur mang du gnang bas 'og min dang shin tu tshul mtshungs pa yin no/ /gzhal yas khang 'di'i 'gram gting nas lo bcu bzhi lon pa shing pho 'brug gi ston dgun/ sle'u chung pa'i dge sbyong bkras tshul ba dpon slob bcu grangs spyan drangs nas/ dpal gsang ba 'dus pa lha so gnyis kyi gser sku/ gtso bo yab yum rkang gang la sku gser srang phyed 'khor sum cu po rgyab 'dzubmdzub bcungcung med re la sku gser zho re/ rgyags yon sku gser zho re la dmar zho bcu gsum ma phul nas legs par bzhengs/ kun gyi mig gi bdud rtsi mchog tu gyur/ rten gyi blos longsbslangs / zhal bzhugs ring la ma grub pa bdag la gnyer du bskos nas/ zhi bar gshegs pa'i lo yang phyi mar legs par grub pa yang rje nyid kyi bdag rkyen las byung ba kho na'o/ /gzhan yang chos rje seng ge'i mtshan