[A:94]can gyi/ nang rten gser sku jo bo'i sku tshad/ phyi rten byang chen lha mo rnams kyang lo gnyis kyi nang du grub par mdzad pas bstan pa rin po che dang dgon pa 'di'i rgyan dang mchod pa'i yul du mdzad pa yin no/ /gzhan yang thugs dam thang kha shar tsong kha pa'i sku 'dra chen po gcig dang / chos rje seng ge'i mtshan can gyi sku 'dra chen mo gcig gis thog drangs pa'i zhing khams ma dang / dkyil 'khor ma che chung 'dres pa sum cu zin pa dang / bu ston rin po che dang tsong kha pa chen po'i bka' 'bum mtha' dag dang rje btsun chen po'i brtsams chos phyed tsam la sogs pa'i gsung rab mang du bzhengs pa/ dbu rtse chen mo'i gser tog chen mo 'dzugs pa/ dge 'dun gyi dbyar tshul dgun tshul gyi bdag rkyen/ chos rje seng ge'i mtshan can gyi dus mchod bcu dgu mchod pa'i bdag rkyen/ khyad par bla ma thams cad kyi thugs dgongs pa rdzogs phyir du/ gsang 'dus bsgrub mchod kyi bdag rkyen la/ dgon pa rang du rtsa nas lnga brgya tsam dang / mar me'i rgyu| snum rin nyis brgya tsam/ gzhan yang glang phu sogs su nas gzhi 'dzugs pa sogs/ dgon pa'i 'phral gyi nyer mkho dang phugs kyi spyi thes sgo du ma mdzad pas bka' drin shin tu che'o/ /
gsum pa la/ skyon gyis ma gos pa'i tshul dang / sdom gsum rdzogs pa'i tshul lo/ /
dang po ni/ mdor na ma rung bdag 'dris yun ring du/ /mdzad pa kun la skyon gyi skabs btsal yang / /chos dang 'gal pa'i mdzad pa rdul tsam gyis// nam yang gos pa med pa khyod la 'dud/ /ces pa ste ci mdzad legs par mthong