[A:101] gsang sngags rgyud sde bzhi pa'i bya rgyud la chu dang cod pan gyi dbang dang / spyod rgyud la de gnyis kyi steng du rdo rje dril bu dang / ming gi dbang dang / rnal 'byor rgyud la rig pa'i dbang lnga po de'i steng du rdo rje slob dpon gyi dbang rjes gnang dang bcas pa dang / thun mong ba ming tsam gyi gsang dbang dang / bla med la de dag gi steng du thun mong min pa'i gsang dbang dang / shes rab ye shes dang bzhi pa ste/ dbang bzhi yongs su rdzogs pa dang / de dag gi lam gyi rtsa ba dam tshig dang sdom pa ste/ bya spyod la mi dge bcu spong ba dang / byang sems kyi sdom pa thun mong ma yin pa tsam dang / rnal 'byor rgyud las/ /rigs lnga'i sdom bzung gi zlog phyogs bcu bzhi la bzhag pa'i rtsa ltung bcu bzhi dang bla med la bla med rang gi rgyud nas bshad pa slob dpon dpa' bos bsdus pa ltar gyi rtsa ltung bcu bzhi sbom po brgyad dang bcas pa rnams dang / lam gyi ngo bo bya rgyud la lha drug gi rnal 'byor| spyod rgyud la phyi nang gi bzlas brjod yan lag bzhi ldan/ rnal 'byor rgyud la dang po sbyor ba'i dang / dkyil 'khor rgyal mchog dang | las rgyal mchog gi ting 'dzin te/ ting nge 'dzin gsum mam/ bsdu na mtshan bcas mtshan med kyi rnal 'byor gnyis dang / bla med la bskyed rim dang rdzogs rim ste/ rim gnyis cha lag dang bcas pa rnams kyi rang bzhin thugs su chud nas nyams su bzhes shing / brtse bas nyin dang mtshan du 'doms pas/ rdo rje theg pa'i lam gyi gnas skabs dang / mthar thug gi bde ba la 'god par mdzad pa'i sgo nas rdo rje 'dzin pa'i mchog dpal ldan rdo rje 'chang dang dbyer med par bzhugs pa ste/ sngar bshad pa ltar gsang 'dus 'phags lugs kyi sgrub mchod stobs che