[A:14]la mchog tu mos so/ /ma rgan ni/ kho bo nyid kyis mkhan po dang / 'ug tshang rin po che tshul khrims dpal bzang pos slob dpon mdzad de/ dge tshul ma gtsang ma byas| shes rab bzang mo zhes btags/ dad gus dge sbyor la brtson pa'i ngang nas 'das/ gsum ka la grongs rtags sogs kyang shin tu ngo mtshar ba mang po byung ste ma brjod do/ /
gnyis pa ni/ mi rtag rtag 'dzin sogs te/ btsas nas lo gsum pa la| lo chen chos kyi rgyal po skyabs mchog dpal bzang po'i drung du skyabs gsum 'dzin pa'i dge bsnyen zhus/ ming dkon mchog skyabs su btags 'dug na'ang gsal bar ma dran/ cung zad dran pa'i tshe/ lo chen 'dis gsol ras zhig kyang gnang / khyod khang dmar ba'i bu de yin nam gsung / yin lags zhus pas/ btsun pa e byed gsung / byed lags zhus pas/ phyag mgo thog du bzhag nas btsun pa cis kyang gyis ang gsungs/ lo lnga pa tsam la mas sgrol ma khas slob byas pa tshegs chung ngus zin zhes thos so/ /nang gcig phas ka kha slob pa tsha gong du 'dogs dang bcas pa blo la zin nas dgong mo sa la bris shing mtshan mo pha rgan gyi rtsib ma la mdzub ris byas pa gsal bar dran/ lo bdun pa la yi ge bslabs/ zla gcig la legs par lobs/ de mtshams slob dpon thag ring rab tu 'byon dgos pa'i rkyen byung nas/ yig phrug bco lnga skor yod pa 'gyes par chas pa na/ slob dpon gyis bdag la yig phrug sdad pa rnams kyi 'khrid grogs gyis gsung nas ma gyes par so nam ran ran du bskyangs pas kun gyis mtshar du 'dzin pa byung / lo brgyad dgu'i skor du spun zla dang khyim