[A:30]'dul ba'i kun spyod gtso bor gyis gsung par gsal la/ chos 'khor du/ drung kun bzang pa bsko bzhag gcig tshar zer ba'i skad cha ma gsan bar du ci yang mi gsung bar/ gsan ma thag nas/ phyag phyir 'gro zhes nar mar gsung shing / phyis 'dir gdan sar sleb pa gsan ma thag tu/ da nged kyi rtsar ma yong pa la mi dga' ba med pas/ bstan pa'i bya ba la 'bad pa thon/ gsung pa'i bka' shog phebs pa rnams ni/ dgon pa 'di la rtingsgting kyi thugs mthong dang / 'dul ba'i dang tshugs la thugs kyi phug legs par dgyes pa'i mtshan mar gsal lo/ /de ltar na bdag nyid chen po 'dis kyang / bstan pa spyi la rdzogs par phan du re ba'i gnyer kha gtad pa yin no/ /de dag gi bar bar du/ rtse chen chos rje'i drung du'ang sum pa lo tswa ba'i snyan brgyud la sogs pa'i 'khrid chung dang sgrol ma dkar sngo la sogs pa'i man ngag du ma thob bo/ /de nas lo sum cu rtsa dgu'i steng du sleb ma thag pa chu mo phag gi hor zla dang po'i nyer lnga la/ chos 'khor gyi gdan sar sleb/ dam pa du ma'i bka' drin las/ mdo sngags phal cher thos shing shes/ don gnyer du byung yang 'chad mi shes pa mi snang mod kyi/ mdo mang la sogs pa rgyal ba'i bka' phal cher gyi lung ma thob pas/ bstan pa'i rgyun la legs par bsam nas/ stag yos gnyis kyi dpyid sos/ gnas rnying dka' bcu pa sems dpa' chen po/ rin chen mchog grub pa/ bkra shis rdzong kha la sogs par spyan drangs te bka' 'gyur phal cher gyi lung zhus/ dgyes bzhin du bskyangs so/ khyi lo ston kha/ chos rje mkhyen rab dbang phyug pa'i gsung las/ 'dul ba mdo dang tshad ma mdo gnyis kyi rang 'grel la 'gyur