[A:31]bcos gcig grub pa byung na/ shin tu legs gsung ba yod pas/ rgya dpe 'tshol ba dang / gdan sa chen mo'i byin brlab zhu ba la/ dpa' ldan sa skyar phyin pa'i phyin lam la/ rgya gar paN chen nags kyi rin chen pa dang / rgya khra rdzong yar thon gyi lam du mjal/ yi ge brgya pa la sogs pa'i chos kyi 'brel ba cung zad kyang thob| gong du brjod pa'i slob dpon 'dul mngon pa dang bcas te/ de ltar dam chos nod pa'i bla ma rab tu byung rjes kyi dbang du byas pa bcu bdun te/ tshigtshigs bcad re re tsam gyi 'brel pa yan chad/ skye ba 'di'i yongs 'dzin nyi shu rtsa bdun legs par mnyes par byas te/ chos dang zang zing gi 'byor pas legs par bskyangs te/ yon tan dang rnam thar gyi gtso bo ni 'di nyid yin no/ /
bzhi pa ni/ bshad ma thag pa rnams kyis rgyas par bshad zin cing / don bsdu na/ gzhung lugs kun la shes rab rab dang phul/ /zhes pas tshig dang | bslab gsum rin chen/ zhes pas don la sbyong tshul bstan te/ rig gnas thun mong ba dang / thun mong ma yin pa gnyis las/ dang po la/ bzo dang gso ba dang sgra dang tshad ma'o/ /dang po ni/ bod kyi bzo brgyud pa Ta zhes grags pa'ang mthong / skye ba snga ma'i bag chags kyis/ yi ge'i ris kyang phal cher shes te| lo bco lnga pa tsam la rin spungs su phyin/ lan tsha'ilanydza skyod ris mang du snang ba'i/ rnam rgyal 'joms dang / tshe gzungs sogs blo la yod pa rnams| sngar ye ma mthong ba klog shes nas/ 'then lugs mi shes kyang / nan gyis bris/ bod kyi 'phrin yig ni 'gro bzhin pa dang / rta thog du yang 'bri thub/