[A:34]khyad par can med la/ deng sang / yongs su grags pa dang ches mi mthun pas/ dbu tshad la mkhas grags ma thob bo/ /
lnga pa la bshad pas bu slob bskyangs tshul/ rtsom pas legs bshad spel tshul/ gzhan phan gyi smin grol byas tshul lo/ /
dang po ni/ chen po'i gtsug na mdzes ces sogs te yon tan gyi che ba ni/ gtso bo rang gi yongs 'dzin 'ug tshang rin po che pa dang / slob dpon 'dul mngon pas dbang dang bshad pa mang du gsan/ chos 'khor rang gi grwa pa la/ rta nag rab 'byams pa/ shes rab chos kyi dpal 'byor/ slob dpon dka' bcu pa skyes mchog pa/ mgon bzang pa/ rin chen rgyal mtshan pa dang / rgyal mtshan bzang po/ kun dga' rgyal mtshan pa dang / bsam grub 'od zer ba sku mched/ mgon po rgyal mtshan/ nam mkha' rgyal mtshan pa/ rin chen dpal sogs dang grwa par gtogs pa'i dka' bcu 'dzin nges pa bzhi bcu tsam dang / dka' bzhi pa phar tshad legs par shes pa'i steng du/ sngags phal cher dang legs sbyar la sbyangs pa mang zhing / phyogs kyi dka' bcu pa/ rta nag pa nor bzang rgya mtsho/ byams chen pa sangs rgyas 'phel/ se ra ba blo gros seng ge dang / zha lu ba blo gros seng ge bdag po blo gros mtha' yas la sogs bcu phrag lhag pas kyang / mdo sngags dang / sgra rig kyi phyogs mang du bslabs so/ khyad par chos dang 'jig rten gnyis kas che ba ni dpal ldan sa skya pa yin la/ de'i gdung brgyud gong ma mi'i dbang po wang chen po nam mkha' rgyal mtshan pa dang / de'i sras phul du byung ba'i yon tan dang ldan pa lha sras nam mkha' rin chen pa dang / nam