[A:33]mod kyi/ phywa gtsang phyogs kyi grub mtha' la dang po nyid nas blo la mi 'gro ba'i bag chags zhig snang bas/ da lta yongs grags dang mi mthun pas/ bshad pa dang | brtsams pa 'ga' re byas kyang / phrin las cher mi snang ngo / /gnyis pa la| mdo dang / sngags te/ legs bshad yi ger bkod tshul 'og nas 'chad pa ltar| re re zhing legs par sbyangs shing / bag chags gsal bas dus deng sang gi bstan pa 'dzin skyong byed pa'i mchog go snyam pa'i rlom pa yod mod kyi/ spel ba'i las kyi bgo skal ni shin tu zhan no/ /don la sbyangs tshul la/ tshul khrims kyi bslab pa so so thar pa ni/ ha cang lag len dogs pa'i tshul med kyang 'dul ba shes pas/ ltung ba rags pas ma gos shing / phra mo la yid kyis bsdams pa'i phyir bcos byas pa dang / khyad par rang bzhin la gtso bor 'dzems pas tshul khrims kyi gtso bo la rma med do/ /byang sems dang / gsang sngags la yang / yan lag gi nyes pa char ltar babs kyang / sems kyis 'phral du 'chos pa dang / rtsa ba'i ltung ba skyed pa'i rgyu/ zag pa che 'bring dang mi 'grogs pa tsam mo/ /ting nge 'dzin gyi bslab pa ni/ bskyed rdzogs kyi myong ba cung zad tsam ma gtogs/ tshe 'dir bsam gtan gyi dngos gzhi sogs med do| |shes rab kyi bslab pa ni/ bden bzhi dang bden gnyis kyi gnas lugs rigs pas cung zad nges shing / khyad par zla grags dang / zhi ba lha yi lugs la shin tu mos pas/ lo chen pa tshab dang / skyabs mchog yab sras kyi bzhed pa ltar| dbu ma chen po'i skabs su/ dngos po stobs shugs kyis grub pa'i tshad ma khas mi len la/ lta ba'i mchog gi go ba ni gting tshugs pa rnyed mod/ myong ba