[A:40]sngon 'gro rgyud la 'jug pa'i dga' ston/ spyi don chen mo bstan pa'i rgya mtsho/ bskyed rim gyi bshad pa rgyas pa dang bcas pa/ brgyud pa'i gsol 'debs smon lam dang bcas pa'o/ /de bzhin du gsang 'dus bde mchog kyai rdor/ gshin rje gshed skor/ rdor phreng bka' gdams glegs bam rnams kyi bla ma brgyud pa'i gsol 'debs/ rang rang gi nyams len smon lam du bsdus pa rnams dang / gzhan yang / rang bskul gzhan bskul/ dris lan sogs phran tshegs shin tu mang ngo / /chos skyong gur zhal/ legs ldan/ tshogs bdag rnam sras las gshin rnams kyi bstod pa bskang bshags chen mo dang bcas pa/ smon lam lam rim du gril ba/ bkra shis thung mong ba dang bcas pa/ mdo sngags phyi nang kun gyi don bsdus pa/ grub mtha' kun shes rtsa 'grel ni legs par grub la/ 'di'i grogs su/ rigs gnas kun shes/ mdo sde kun shes/ rgyud sde kun shes rnams kyang rtsa 'grel du sbyar ba re dang / mngon pa kun btus dang / phar phyin gyi spyi don che ba re myur du bya bar 'dod cing / tshe ring na/ rgyud sde'i rnam bshad 'ga' re yang byed 'dod mod kyi/ spyir phrin las kyi las shugs cher mi snang zhing / khyad par tshe stod la/ bla ma dam pa 'dra la/ dang por thugs rtsom re zhus/ rno ba bzhin ma byung ba'i rkyen gyis mthar bskyal ba gnyis tsam byas pa'i rnam smin mngon 'gyur ba yod pas/ gzhan don du 'gyur ba ni dka' yang / bstan pa'i rgyun la cung zad phan zhing / 'ga' zhig la don gnyer chen po'ang snang bas smon lam bya'o/ /
gsum pa la/ 'khor lo gsum gyis bstan pa spel/ /'phrin las bzhi