[A:41]yis 'gro don byas/ /phyogs re min pas gnyis don grub/ /bsdu dngos bzhi yis phrin las bskyangs pa'o/ /dang po ni/ bslab pa gsum gyi lus stobs mtha' dag rdzogs/ /'khor lo gsum gyi ral khur 'thon por 'dzin/ /sde snod gsum gyi gad rgyangs cher sgrogs pas/ /gdul bya gsum gyi gangs ri skyongs la 'dud| |ces pa seng ge chen po'i gzugs su bkod pa ste/ bslab pa gsum gyi mtshan nyid ni/ 'dul ba/ mdo sde/ mngon pa'i sde snod kyi/ rim bzhin bstan bya'i gtso bo lus ngag gi nyes spyod gtso bor bsdom pa dang / sems kyi nyon mongs mngon 'gyur gtso bor gnon pa dang / sems kyi nyes pa'i sa bon drung nas 'byin pa'i bslab pa rnams/ lhag pa tshul khrims kyi dang / ting nge 'dzin gyi dang | shes rab kyi bslab pa'i mtshan nyid yin la/ de gsum gyi yon tan shes bya la srid tshad mtha' ma rdzogs kyang dus la ltos te/ gtso bo'i yon tan mtha' dag rdzogs zhes bya'o/ /'khor lo gsum ni/ 'dul ba lung las gsungs pa/ bya ba las kyi dang / klog pa thos bsam gyi dang / sgrub pa nan tan gyi 'khor lo'o/ /dang po ni/ slob dpon gyi dus/ yos lo'i chos khrims pa byas te/ sku 'bum gnyis kyi zhig gsos dang / bzhugs tshag mtha' dag lag bdar ste byas| de gong lo shas grwa tshang so sor bsod snyom byas pas sa phyogs la 'ga' res kyi rtsod pa chen po byung nas/ rang gis chu lho'i dbu mdzad la phyin te/ da lta bar du 'chos pa'i spyi bsod khyad par can 'di bcas/ spre'u lo la/ chos rje sems dpa' chen po'i bka'i tha ma dang du blangs nas/ dpal gsang ba 'dus pa'i blos longsbslangs legs par sbyangs/ gdan sar slebs ma thag