[A:43]mos su byas so/ /
gsum pa la/ rang gis bslab pa phyi ma gnyis kyi nyams len rtse gcig pa ma byung na'ang / srod dang tho rengs sogs gang khom 'bad rtsol byas shing / gtso bor tshul khrims kyi bslab pa'i sgrub pa nyams len la 'bad pa bton/ dgon par gzhi gsum gyi nyams len gyi gtso bo byas pa'i bslab khrims la gtso bor byas/ dbyar dgun tshogs chos la 'dul ba gtso bor bshad pas/ da dung gzhan phal cher las/ btsun rkang bzang ba sha stag ste/ gleng brjod yod pa re re tsam la kun gyis than ltas su byed pa 'di'i do dam dang bdag rkyen ni bya rgyu'i gtso bo yin pa'i khur 'khyer ba yin no/ /gzhan yang sngags kyi sgrub mchod gsang ba 'dus pa lugs gnyis kar gyi bdag 'jug longs pa brgya phrag brgal bas/ cho 'phrul gyi zla ba phyed las nyung mi srid pa/ dus 'khor ba lnga bcu skor gyis dbyar ston bdag 'jug tshar re ma'i cho ga cha lag shin tu rgyas pa dang bcas| zhag snga ma dang mtshungs pa/ de dag gi ring la kyai rdor ba la lnga drug tsam gyi sgrub mchod/ bde mchog lo hi pa'i sgrub mchod kyang sum cu skor gyis zhag bcu skor sogs dang / rgyud de dag gi slob gnyer ba mang rab la/ bshad pa dang bdag rkyen gang 'grub/ gzhan yang lo mtshams pa 'ga' re'i bdag rkyen rnams so/ /gdul bya gsum ni/ dbang po rno 'bring rtul gsum ste/ gzhan rnams rtogs sla'o/ /
gnyis pa ni/ rgyud sde rnam bzhi'i chu gter chen po las/ /dbang mchog rnam bzhi'i 'dzam bu chu bo'i gser/ /bsnyen bsgrub rnam bzhi'i sbyor bas legs