[A:44]sbyangs nas/ /'phrin las rnam bzhis rtag par skyong la 'dud/ /ces pa/ bya ba/ spyod pa/ rnal 'byor/ rnal 'byor bla med de/ rgyud sde bzhi po rgya mtsho bzhi yi gzugs su bkod nas/ bya rgyud la/ chu dang cod pan/ spyod rgyud la de'i steng du/ rdo rje/ dril bu/ ming dang / rnal 'byor rgyud la/ de'i steng du slob dpon gyi dbang | bla med la/ de dag gi steng du gong ma gsum ste/ rgyud sde bzhi'i dbang bzhi'o/ /mthar thug bla med kyi bum gsang shes rab bzhi pa ste/ dbang bzhi gser gyi gzugs su bkod pa/ chu gter nas blangs te/ bsnyen pa/ nyer bsgrub| sgrub pa/ sgrub chen ste/ bsnyen bsgrub yan lag bzhi ni/ rgyud sde so so la yod pa rnams kyi gser lta bu'i dbang bzhi'i lam gyis dri ma sbyangs nas/ zhi rgyas dbang drag gi 'phrin las rnam bzhis/ nad sogs lus kyi sdug bsngal dang | mya ngan la sogs pa sems kyi yid mi bde zhi ba dang / tshe zad pa dang / nor dbul ba la sogs pa'i tshe dang dpal 'byor rgyas pa dang / bstan pa la ma dad pa la sogs pa rnams thabs kyis dbang du bsdus pa dang / shin tu gdul dka' ba bdud rigs kyi mi dang mi ma yin pa rnams/ ting nge 'dzin dang sngags kyis tshar bcad pa rnams kyis 'phral dang phugs su bskyangs pa'o/ /de yang gtso bor gzhan phan snying rje'i bsam nas/ nad kyis gzir ba gcig la sor 'brang lta bu'i dbang tshar gcig byed pa na'ang / mkha' khyab kyi sems can dmigs yul du byas nas/ gtso bor nad kyis gzir ba mtha' dag mdun du mngon sum pa ltar bsam pas/ nad pa de dang lhan cig nad las grol bar mos pa dang / tshe sogs rgyas pa dang / des dbang du 'dus nas chos la sbyar ba dang / nad pa