[A:45]de la 'tshe byed des mtshon pa'i bdud rigs thams cad/ bsad dang / bskrad dang | sogs kyis de dag gi gdug sems dang / 'byung lus thal bar bcom nas| 'od gsal gyi sems dang ye shes kyi lus mngon du gyur par mos pa rnams brtag par gang nus byas pas de dang de'i nad zhi ba'ang mang zhing / 'chi nges pa'i nad las/ grol ba mang du byung zhing shin tu mgu dka' ba dag kyang dbang du gyur pa dang / mi ma yin shin tu ma rung pa kha zug pa dag kyang rang zhir song ba rnams/ mang po'i blo la gsal lo/ /
gsum pa la/ gnas lnga rig pa'i mthar son panTi ta/ /gzhi lnga stong par rtogs pa'i rnal 'byor pa/ /lam lnga rim gnyis bsgrub mdzad rdo rje 'dzin/ /sku lnga 'bras bu mngon du gyur la 'dud/ /ces pa la/ rig gnas lnga shes tshul bshad zin/ gzhi lnga ni/ chos mngon pa'i brda chad de/ snang ba gzugs kyi/ gtso bo sems kyi/ 'khor sems byung gi gnas skabs ldan min 'du byed kyi/ rang bzhin 'dus ma byas kyi gzhi rnams te/ 'di lngar ma 'dus pa'i shes bya med do/ /lam lnga ni/ tshogs lam/ sbyor lam/ mthong lam/ bsgom lam/ mi slob lam mo/ /sku lnga ni/ sangs rgyas sku lnga'i bdag nyid can/ /zhes mtshan brjod las gsungs pa ye shes lnga la sku lngar bzhag pa ste/ chos dbyings/ me long | mnyam nyid/ sor rtog/ bya grub ye shes rnams te/ mdo sde rgyan la sogs pa mdo phyogs su snga ma btags pa ba dang / gzhan bzhi ye shes dngos su gsungs la/ sngags phyogs su snga ma'ang ye shes dngos su gsungs so/ /spyir don smra gnyis/ gzugs sku dang chos sku gnyis su nges/ byams chos sogs su/