[A:46]ngo bo nyid longs sprul ste gsum du nges pa/ gsang sngags phal cher du rtogs ye chos sku bsnan nas/ bzhir nges pa/ dus 'khor dang / mtshan brjod du/ bzhi la bcu drug tu dbye ba dang / sku lngar gsungs pas/ chos skad bsres nas byed pa rnams mi 'thad pas/ 'dir gsung rab mthon po'i dbang du byas pa ste/ spyir sems can thams cad kyang sku lnga mngon du 'gyur rgyu yin pa ltar/ 'dir yang ngo | |rim gnyis kyi 'khor du/ rgyud sde 'og ma'i/ mtshan bcas dang / mtshan med kyi rnal 'byor yang bsdu ste/ de yang lam thun mong ba/ dad pa dang nges 'byung byang chub kyi sems kyis bslangs pa'i/ dge sdig gi blang dor/ tshul khrims rnam dag dang byang phyogs/ phar phyin drug rgyud sde'i rtsa ba dam tshig dang sdom pa/ ngo bo snang phyogs dang / stong phyogs kyi lha'i rnal 'byor/ myur du mthar phyin byed/ bde stong sbyor ba sogs kyi yon tan yongs su ma rdzogs kyang / cha lag dang / ngo bo ma tshang ba med cing / go rim nges pa dang / bogs 'byin dang | gegs sel gyi yan lag dang bcas pa shes shing / cung zad nyams su myong bas/ lam phyogs re bar ma lus/ la la mtshan nyid rkyang pa dang / kha cig sgom chen rkyang pa dang / de bzhin du mdo sngags phyogs re ba dang / grub mtha' dang chos lugs sogs phyogs re bar lhung nas/ bdag bstod/ gzhan smod kyi gang zag dang chos spong ba lta bu min gyi/ panTi ta dang / rnal 'byor pa dang / rdo rje 'dzin pa zhes pa'i ming kyang sgro btags pa rang min par don la gnas pa dang | de bzhin du 'dul ba dang / mdo sde dang / mngon pa dang / rgyud sde rnams 'dzin pa zhes pa yang ste/ mdor/ dag snang phyogs med kyi dad pa dang / legs bshad