[A:7]sogs slob gnyer dang bshad nyan sogs yal bar dor te/ mkhan po 'brom ston rin po che lo brgyad kyi bar dang / slob dpon rin po che sems dpa' chen po lo bcu drug gi bar du mnyes par byas so/ khyad par dbus phyogs su slob gnyer la 'gro ba'i lam khar byams chen du/ sems dpa' chen po gzhon nu rgyal mchog pa'i gsung gis/ da khyod dbus la 'byon mi dgos/ slob gnyer zhib cha nged kyis slob/ byams chen gyi chos grwa 'chos/ nas khal brgyad cu re la sogs pa'i gzhi rten sbyor bas cis kyang sdod/ ces mtshan phyed kyi bar du bka' nan che bar byung na'ang / mkhan po rin po che'i zhal ras kyi dkyil 'khor yid la bris pa bzhin du gyur te/ bshad sbyang gi zhu 'bul sgo du ma nas byas/ gting bla ma la rtsi 'jog byed pa'i thugs mthong 'khrungs 'dug na'ang / 'phral bka' bkyon gyi rnam par snang ba du ma 'khur dgos byung /
de rjes dbus su/ 'bras spungs chos rje 'jam dbyangs bkra shis dpal ldan pa dang sne'u rdzong pa gsol dpon grags dbang pa dang / phag gru dbon po ba gnyis ka ste/ yon mchod kun gyis chos dang zang zing gi 'byor pa bla na med pas bskyangs/ 'bras spungs su phan thogs su re ba'i zhal brda dngos shugs du ma nas gnang mtshams/ chos rje sems dpa' chen pos/ byang chub gling gi 'chad nyan la shog gsung pa phebs/ spyir grwa tshang chung chung gi 'chad nyan byed pa phangs shing / dgos slob chung du mi 'os/ ces sogs kun gyis rgya cher gleng zhing slob dpon 'dul mngon pa rang gis kyang / slob chung gi ming mi 'dogs/ phyag 'tshal mi dgos gsungs pa sogs mdzad kyang / bla ma dgyes pa'i thabs 'ba'