[A:8]zhig la bsam ste/ slob chung gi khur 'khyer/ phyag 'phul/ chos bar sar sleb 'phral du chos zhus/ gzhan zer thams cad khyad du bsad pas/ bshes gnyen bsten tshul gtso bor byed pa 'ga' res legs par bsngags pa'ang byung zhing / 'chad nyan pa'i ming yang lo ngo bcur byas/ de'i bar la'ang/ chos rje bo dong phyogs las rnam rgyal gyi bkas/ nged gar 'gro'i zla la 'gro/ /de nyid 'dus pa'i bdag po 'chol gsung ba sogs kyi dgyes pa bskyed pa'i bka' nan cher byung yang / dang po'i grwa sa la zhen pa dang / gtso bo bla ma yab sras kyi sku gsung thugs kyi rnam pa yid la shar ba na/ mgon po gang la mnyes gyur na/ /zhes sogs dran zhing / dpal ldan steng gi chos rje rgya ston shAkya bzang po ba dang / zha lu ba'i mkhas pa chen po rin chen bsod nams 'phel gyis kyang / chos 'khor sgang du phan mi thogs na/ shi ba dang khyad med/ ces sogs gsung pa rnams dran nas bshad sbyang nar mar zhus/ re shig bo dong sogs su gang sleb byed pa'i khas len gyi zhu 'phen yod mtshams/ gdan sar sleb pa gsan nas/ bka' lung nar ma las grol zhing / dgyes tshor dang bslab bya'i bka' shog phebs so// de bzhin du dbus nas 'jam dbyangs chos rje dang / mkhas mchog yon tan rgya mtshos kyang dgyes pa bskyed pa'i bka' shog rten bcas phebs shing / rgya ston rin po ches ni/ de ma thag tu dgon par shog gsung nas/ bsu ba dang / khri mthon po la 'jog pa dang / bzhugs gdan khyad par can gyi gnang sbyin dang bcas pa mdzad/ mkhyen rab dbang phyug grags pa bzang pos ni/ kho bo gdan sar slebs 'phral nas/ nang rten byams mgon bzhengs pa'i rtsol ba byas