[A:9]mtshams| bka' shog gser zho nyi shu lhag pa'i gnang sbyin/ bslab bya dang bcas pa phebs shing / bde bar gshegs gshegs kyi bar du shin tu dgyes par mdzad do/ /e ma sangs rgyas la yang zhing khams yod/ /bla ma so so'i bzhed pa cig char du/ /bsgrub pa'i rdzu 'phrul bdag gis ma thob pas/ /shin tu dka' ba'i las 'ga' byung na yang / /rtsa ba'i mkhan slob gtso bor bzung nas ni| |bka' drin bsam pa'i khur chen lhur blangs pas/ /dgongs pa gzhan du phyogs pa du mas kyang / /shin tu dgyes pa'i bsngags pa thob par gyur/ /gdan sar slebs nas kyang / rtsod dus kyi dbang gis sbyin bdag dang grwa sar gtogs pa 'ga' re'i rgyud nag phyogs pas bsgyur nas bar chad dang / tho 'tsham pa'i rnam pa du ma lo shas kyi bar du byung ba la'ang / gtso bor bzod pa'i phub bzung / byams pa'i mtshon 'phyar/ snying rje'i gzhu bdung / thabs mkhas kyis mda' phyogs med du 'phangs shing / khyad par rang bde dor nas/ bla ma'i bzhed don bsgrubbsgrubs pas bla ma dam pa rnams kyi thugs rje dang / byin rlabs kyi dpung tshogs yan lag bzhi'i mthu dang / nus pas/ mi mthun phyogs pa'i g.yul las rnam par rgyal te/ chos kyi rgyal srid dus skabs la ltos pa'i yar 'phel du gyur to/ /
gnyis pa la/ dal 'byor gyi skye ba blang tshul/ tshe 'di yi phun tshogs yal bar dor tshul/ dge ba'i bshes gnyen mnyes par byas tshul/ gzhung lugs kun la legs par sbyangs tshul/ rgyal ba'i bstan pa la bya ba byas tshul lo/ /
dang po la/ rgyu ni/ dge legs legs spyad ring nas goms pa'i mthus//