[A:115]rgan po bsam pa rnyed pas kyang grub par dka'o/ /de nas srid pa mtha' dag me 'obs ltar gzigs pa'i nges 'byung dang / khyad par khyim na gnas pa ni nyes pa du ma'i 'byung khungs nyam phar gzigs pa dang / bye brag du sku tshe 'di'i ched du/ bya ba'i gtso bo yin pa la dgongs nas/ dgung lo bcu la nye ba'i skabs su/ 'jam dbyangs bar ma chad par byon pa'i/ 'khon gyi gdung rgyud rnam par dag pa| ston pa thub pa'i chos kyi rgyal srid mtha' dag yongs su rdzogs par skyong ba'i chos kyi rgyal po chen po 'gro ba'i bla ma bsod nams rgya mtshan dpal bzang po'i drung du/ khyim nas khyim med par rab tu byung te/ kha na ma tho ba dang bcas shing rgod pa dang brgyags pa 'phel bar byed pa khyim pa'i rtags dang cha lugs ni yongs su spangs/ gang zhig sa la reg pa tsam yang dkar phyogs kyi lhas slangs te bsrung zhing mchod par byed cing / tshal bu 'gul du thogs pa tsam la yang nag phyogs kyis blagsglags mi rnyed par 'gyur ba/ de bzhin gshegs pa'i nam bza' ngur smrig ni bgos/ bsam pa dang rtags brjes pa'i dran pa bsrung bar byed pa'i rten du gyur pa/ mtshan yang seng ge rgyal mtshan dpal bzang po zhes brtags nas rgyal ba'i bstan la legs par zhugs shing chos 'dul ba la rab tu byung ste/ shwakya'i sras po zla dang bral bar gyur to/ /sngon tshe yon tan yongs rdzogs bgres pa'i sku/ /mdzes min 'brog klog lcang lo'i sil grib can/ /'dir ni lang tshos brgyan pa'i gzhon lus kyang // yid 'phrog ngur smrig dpal gyi lham mera'o/ /de nas de ma thag nas/ chos 'dul ba'i tshig don kyi rigs pa la sbyangs te/ bslab pa'i gnas la gces spras lhag par