[A:114]dag la shin du mkhas pa'i go 'phang brnyes pas de dag gi slob dpon rnams kyis kyang bstod pa dang snyan par brjod pa dang phu dud du bya bas mchod par gyur te| chab klog dang yi ge la ni/ bla ma 'di las phul du byung ba/ bdag gis gang du yang ma mthong la/ de dag gis spyan 'gengs pa yang shin tu dka' ba zhig snang te/ klog bzang ngan ci 'dra zhes gsungs pa la/ dum pa bkril tsam gcig shes lags zhu ba byung na/ de 'dra'i klog gis ci nyan zhes gsung ngo / /de ltar/ yon tan don du gnyer ba dang chos la gus pa nyid kyis chos ston pa por ma zad/ yig klog gter ba'i slob dpon tsam la yang shin tu gus pas bkur sti mdzad cing | de dag gi bka' drin yang rgyun du dran pas byas pa shes shing byas pa bzo ba'i gnas la lhag par gnas te/ phyag rdor dbang bkur ba'i rgyud du/ tshigs bcad tsam zhig nyan pa la/ /slob dpon nyid du mi 'dzin na/ khyi yi skye ba brgyar skyes nas/ /sme sha can du skye bar 'gyur/ zhes gsungs pa lta bu chos kyi gzhung lugs su ma zad/ 'jig rten gyi gzhung lugs/ tsa na ka'i bstan bcos las kyang | yi ge tsam gcig gter ba yi/ /slob dpon la yang phyag mi byed/ khyi'i skye ba brgyar skyes nas/ /sme sha can du skye bar 'gyur/ zhes bshad pa lta bu yang blang dor phyag len la mdzad pa/ rin chen phreng bar/ pha ma srid zhu lhur len dang | |rigs kyi gtso la rim gro dang / /longs spyod legs spyad bzod gtong la| |tshig 'dam phra ma med bden pa'i/ /brtul zhugs che gcig byas pas kyang | |lha yi dbang po nyid thob nas/ /da dung du yang lha dbang bgyid/ ces gsungs pa la thugs dam mdzad de/ byis pa gzhon nu'i ngang tshul de lta bu yang /