[A:122]'gal phra mo byung na/ bshags yul bos nas phyir 'chos pa dang / yul bos nas gso sbyong byin gyis rlob pa dang / 'phral gyi kun du spyaud pa thams cad kyang | gtsang ba dang dag pa dang zhi ba dang dul ba dang / chos gos kyi gra sa la reg pa tsam yang shin du 'dzem par mdzad cing / bzhugs su gdan la bzhugs pa na yang / gser sku khyad par can la/ dkon gnyer shin du mkhas shing mdzangs pa dag gis nam bza' mang po khyer sgrigs nas sgron pa lta bu 'dra ba/ kun gyis kun spyod dag pa'i mchog tu rtse gcig tu 'dzin cing 'grin gcig tu gleng ngo / /de ltar tshul khrims rnam par dag pa'i mtshan ma/ skye bo dman pa dag gis kyang rtogs su rung ba ni/ zag med tshul khrims phung po yongs rdzogs par// thag mal pas kyang legs par rtogs bya'i phyir/ /rnam dag tshul khrims dri yis 'gro rnams kyi/ /dbang po tshim par mdzad pa de la 'dud/ /ces pa ste/ nang du yang dag pa'i tshul khrims dri ma med pa'i rtogs pa 'khrungs pa ni spyir mnyam bzhag gi nyams bzang ngan rjes thob kyi shes zhes gleng pa ltar shin du gsal te| sku'i mdangs ni/ dgung lo don lnga bzhes nas/ dbu skra dkar ba tsam ma rtogs| byis pa gzhon nu ltar dang zhing gsal la gzhon sha lhag par rgyas pas dkar la dmar ba'i mdangs chags pa dang sku'i tshugs kyang ya yo dang 'khyog pa la sogs cung zad med pas/ dbu zha bzhes phyin chad/ ban gzhon shin du mtshar ba'i rnam pa can kho nar gnas la/ tshul khrims kyi dri ngad ni/ rdzi phyogs su mda' rgyang tsam gyi bar du gsal zhing / rdzi phyogs ma yin par yang gzhung 'dom gnyis re tsam du lhag par 'byung / nam bza' ci 'drar zhig yin yang /