[A:123]nya ra mkhas po byung na lo mang por yang mi sangs shing / 'phral du gon na yang dri ngad khyad par can zla re tsam du 'byung ba yod pa kun gyi mngon sum du gyur to// de dag gi 'tshams rnams su/ /sku tshe dpag tu med pa'i sngon rol nas dpon slob kyi 'brel pa ma nyams pa'i slob dpon dge ba'i bshes gnyen lam ston pa por gyur pa/ jo bo dpal ldan a ti sha'i rnam 'phrul chos kyi rgyal po lo chen skyabs mchog dpal bzang po'i zhabs kyi drung du/ mdo sngags kyi gsung rab zab pa dang rgya che ba mang po'i gzhung dang 'grel pa dang / dbang dang bshad pa dang man ngag la sogs pa mtha' yas pa dag thog mtha' bar gsum du gsan cing | gzhan yang mkhan chen grags tshul ba dang / rgyal bzangs pa dang / gnyan ston nyi ma bzang po ba dang / rgya ston nor bu rin chen pa dang / rgya ston sangs rgyas pa dang / rtogs dan sher bzang pa dang / bla ma thabs blo ba dang / dka' bzhi ba rin chen rgya mtshan pa dang / bla ma dpal 'byor ba la sogs pa rnams kyi drung du yang mdo mang kyi lung la sogs pa'i mdo phyogs du ma dang / rgyud sde bzhi la brten pa'i dbang bshad man ngag la sogs pa'i sngags chas du ma ngos mi shes pa'i tshul du nyin mtshan dal med du gsan te/ rgyas par yi ge mang pas 'jigs nas ma bris so/ /de dag ni rang gzhan smin par mdzad tshul mdo tsam du brjod la/
da ni sangs rgyas kyi bstan pa la bya ba mdzad tshul la/ /mkhas pa mgu ba skyed tshul/ /slob dpon gyi bya ba mdzad tshul/ /rgya tshab gyi khur chen bzhes tshul lo| |dang po ni gangs can mkhas pa'i skye tshal du ma ru/ /rnam dag gsung rab