[A:124]zlor gar stong phrag la/ /legs par sbyangs pa'i lung rigs rnam 'gyur gyis// mkhas mang mgu bar mdzad pa de la 'dud/ /ces pa ste/ de ltar snyen rdzogs mdzad nas yun rings ma lon pa zhig gis dus su/ phar tshad gnyis kyi tshig don la legs par sbyangs pa'i blo gros kyi lus shin du mdzes pa kun gyis yid 'phrog pa de nyid/ dri la med pa'i tshul khrims kyi gos bzang pos ni blubsbklubs / yon tan rin po che du ma'i cod pan dang gdub bu la sogs pas ni lhag pa brgyan/ legs par bshad pa zad mi shes pa'i glu dbyangs kyis mgul gyi bum pa legs par bkang ste/ byang phyogs gangs ri'i ljongs kyi legs bshad lhur len pa'i mkhas pa brgya phrag dang stong phrag gis mngon par brtse ba'i dga' tshal chen po/ dpal ldan sa skya dang byang ngam rings dang bzang ldan dang shel dkar dang / gnas rnying dang gnarsnar thang dang ya 'brog dang rtsed thang dang gsang sde gung gsum la sogs pa rnams su/ bcom ldan chen po grags pa 'phel dang dpon slob thabs gcig tu grwa skor la byon te/ mkhas pa dag gi mdun du gzhung lugs dri ma med pa'i tshig don gyi glu dbyangs chags thogs med par sgrog cing / rnam par dag pa'i lung dang bzod par dka' ba'i rigs pa'i rnam rol gyis sgeg pa dang chags pa dang rgod pa dang / rngam zhing dpal ba la sogs pa'i rnam 'gyur du ma'i zlos gar gyis nyin mtshan 'das par mdzad pas/ mkhas pa'i dbang po rnams kyang dga' ba dang mgu ba dang rangs pa dang yid tshims pa dang / lhag par dad par gyur te/ phar tshur nyi sbrel gyi grwa skor ba ji snyed byung te/ 'di lta bu'i gzhung la 'dris pa dang chos skad la