[A:126]ri khud dang / stag tshang rdzong kha yar 'byon mar 'byon gyi tshul gyi chos bar mdzad nas bshad pa mdzad pa na/ byang chub sems dpa' thos mang dang // bden mthong smra mkhas brtse ba can/ /skye med skyes bu dam pa ni/ /chen po yin pa shes par bya/ zhes pa'i mtshan nyid tshang ba mdzad pas/ mchad nyan 'phel ba'i grags pa don dang mthun par byung ba'i rkyen gyis/ ngam rings dang bo dong dang gnarsnar thang dang / rta nag man/ gzhu snye yan gyi slob gnyer ba mang rags 'du zhing / dge ba'i bshes gnyen seng ge bzang po dang seng ge dpal bzang dang sangs rgyas bzang po mkhas btsun nam mkha' sangs rgyas dang | blo gros mgon la sogs pa dgos kyi lag skyes kho na'i ston bzang mang po dang / bcom ldan chen po dang / mkhas grub kun dga' bzang po dang nyag re bsod nams dpal la sogs pa'i dge ba'i bshes gnyen snyan chen po mtha' yas pa dang / gzhan yang / shangs 'o yug sogs kyi dgon pa'i mkhan po du ma dang bcas pa'i gdul bya dpag tu med pa legs par bshad pa'i sbyin pas tshim par mdzad do/ /de yang / rang gi rnyed pa dang bkur btisti dang tshigs btsad pa la sogs pa lhur len pa'i zang zing gi bsam pas ma yin pa/ byang chub sems dpa' gang zhig skal mang bye stong du/ /nyan thos rang rgyal sbyin byed tshul khrims bsrung byed kyang / /gang zhig shes rab pha rol mchog ldan pa yi chos| |brjod pa'i legs la sbyin dang khrims kyis char mi phod/ /ces dang / byams pa seng ge sgra'i mdor/ stong gsum 'jig rten khams 'di gser dag gis| |bkang te gang la sbyin par byed pas ni/ /tshig bzhi tshigs su bcad pa