[A:127]gcig brjod pa'i/ /phan yon de la bskrunbsgrun paranus ma yin/ /zhes dang | chos kyi sbyin pa dri med pas/ /tshe rabs dran pa thob par 'gyur/ /ces dang | byang chub sems ni skye ba dang / /mi skye ba yi bzod nyid dang / /dri med mig ni dman pa dang / /zag pa zad pa nyid dang ni/ /dam chos yun ring gnas pa dang / /bye brag shes gcod longs spyod nyid/ /de la zhugs pa blo ldan gyis// bshad pa'i 'bras bu yin zhes bya/ /zhes sogs gsungs shing / /gzhan yang / chos bshad pas/ sangs rgyas mchod pa'i mchog tu 'gyur ba dang / sems can bsdud pa'i thabs kyi gtso bo yin pa dang / bstan pa ring du gnas pa dang / slob ma'i gti mug shes rab tu bsgyur ba la sogs pa'i phan yon gzigs pa'i snying rje chen pos kun nas blang te/ nyin mtshan thams cad du dus sbyor dang rtag sbyor gyi brtson 'grus chen pos 'chad par mdzad do/ /
gsum pa/ rgyal tshab kyi khur chen bzhes pa ni/ thub dbang gnyis pa skyabs mchog chos rje yi/ /rgyal tshab mchog du mngon par dbang bkur nas// chos kyi rgyal srid yar ngo'i zla ba ltar/ /gong nas gong du rgyas par mdzad la 'dud| |ces sogs ste/ /bla ma dam pa 'dis dgung lo zhe bzhi bzhes pa lcags pho 'brug gi lo la chos kyi rgyal po chen po ston mchog thub dbang dang tha mi dad pa'i lo chen thams cad mkhyen pa skyabs mchog dpal bzang po'i chos kyi seng ge'i khri chen po la nye bar bzhag te/ gsung rab rin po che'i cod pan spyi bor bcings nas chos kyi rgyal srid mtha' dag yongs su rdzogs par gtad de/ rgyal tshab dam par dbang bkur bar gyur pa na/ dang por/ mkha' lding gis