[A:129]chos rje de'i bzhed pa la/ dge 'dun gyi sde gtsang ma gsar btsugs gcig ma byas na/ rnying pa rnams su sngar gyi ngan lang yun ring du goms pa rnams 'chos par dka'o dgongs nas/ lang 'gro dang sa cha mang po la brtag pa mdzad pas rgyu mtshan du ma'i sgo nas chos 'khor gyi sa 'di bzang bar gzigs te/ rta lo sngansnga ma de la 'gram cig gting pa/ nag phyogs pa 'ga' res bar chad byas nas sgyel zhing ma grub pas thugs chad cung zad yod skabs yin pas/ bdag po chen po dbang rnam sras rgyal mtshan dpa' bzang po la yang zhal lta legs par zhus/ da ni/ rgyal ba gnyis pa de'i bzhed par khyad par can de 'bad pa chen pos ma sgrubs na sa phyogs 'dir mi phebs pa dam/ phebs kyang yun ring du mi bzhugs pa la sogs par gyur pa shin du mi rung ngo snyam du dgongs nas/ rta lo de'i dbyar gsos nas/ bla brang nang sor bdag rkyen zhus shing | nang so nas kyang thugs dad pa dang gus pa kho nas/ bla ma dang bstan pa la dgongs te/ chos rje'i gzims khang du/ gzims khang shar dang / bdag po chen po rang yang sku tshe'i bzhug /bla ma'i zhabs drung du thugs dam gyis mtsho bar bzhed pas/ gzims khang du/ gzims khang nub dang bcas pa dbyar ngo de la legs par 'byongs par mdzad do/ /de thams cad zhal lta do dam mthil zhugs dang / sa brtag blang dag bum gter bzhugs pa dang / phyogs brtag pa la sogs pa dang / dge 'dun gang yod rnams kyang 'khar las kyi mthil zhugs byed du 'jug pa'i zhal lta dang / gang zag gi khang pa 'ga' re yang de lo grub pa'i zhal bkod pa sogs pa rnams/ rgyal tshab dam pa 'di nyid kyis