[A:133]nyi shu gcig gi dro snga ja dang bcas pa spar zhing / hor zla bcu pa'i nyi shu nas nyi shu lnga'i bar du dus ston chen po bzang zhing gya nom pa dang bcas pa chag med du btsugs pas kyang skya ser thams cad sngar bzhin du gyur/ nang rten grub pa'i phyis lo/ chu pho 'brug lo'i dpyid phyi rten chen mo/ byang chub chen po'i mchod rten khri la phyag 'dom lnga'i zheng dang / 'phang du khru drug bcu pa phyag tshad rags pa dang ldan pa/ sngon chad g.yas ru byang gi phyogs 'dir mthong ma myong bas kun gyi mig gi bdud rtsi gyur pa/ ngo mtshar chen po grangs med pa'i gzi 'od 'bar ba char khebs kyi gyo mo dang bcas pa zla ba phyed dang bzhi tsam gyi nang du rdzogs par mdzad de/ dge 'dun dang skye bo'i tshogs bgrang ba las 'das pa bsags nas rab tu gnas pa'i mnga' gsol rgyas pa dang bcas pa grub par mdzad de yang phyi'i gzugs gang 'grub la gtso bor ston pa tsam gyis mchod rten mtshan nyid rdzogs par mi 'gyur bas/ gsar bu las bya bar 'os pa rnams kyis 'khar las la 'bad pa dang / dge ba'i bshes gnyen khyad par can mang po dang dge slong tshul khrims dag pa mang pos/ gtsug gtor dri med kyi 'grel pa nas 'byung ba bu ston yab sras kyi bsdus pa'i cho ga ji lta ba bzhin gyi gzungs dang bcas pa'i tsha tsha 'bum phrag bgrang ba las 'das pa rnams la gos dar gyi gdugs mtshon snyasna lnga pas brgyan pa rnams la rab gnas legs par bya ste/ dbu zhabs cung zad kyang ma log par bzhugs su gsol ba dang / dgon pa la zhal gzigs pa'i bum pa'i re mig du/ chos rje'i sku 'dra dang nam bza' dang bka' chen bzhi la sogs pa'i mdo sngags kyi gsung rab du ma'i rgya dpe