[A:132]bza' ba dang bca' ba dang rnyed pa dang bkur sti yangs shing rgya che bas mnyes par byas pa'i grol ston steng du/ gzims mal gser sku/ rgyal ba rdo rje 'chang gi sku khri rgyab dang bcas pa'i rab gnas zhus rjes/ bde chen dka' bzhi pa rin chen rgya mtshan pa'i gsung gis/ pha la bu skyes/ bla ma'i gsol 'debs dang nang rten mnyam por grub pa khyed tsam yin no gsungs pa la/ 'di gzims mal gser sku lags/ nang rten stobs che rab gcig legs grubs sam sa bdog zhus pas/ /mi 'grub mi 'grub ham pa ma che gsung / de ltar byas pas ma yong / bla ma de rang gi thugs rjes 'grub lags zhus na/ lha bzo pa dang bzo tshad gyi bka' gros tshar yod pa'i shing tshad gzigs phul bas shin du ha las/ 'di 'dra sde pas kyang mi 'grub/ khyed ri phang par 'degs par 'dug gsung / de ma thag nas bzo btsugs te gser sku jo bo sku tshad ma khri rgyab dang bcas pa shin du ngo mtshar ba grub par mdzad pas/ bla ma de la sogs pa'i skya btsun mang po shin du ya mtshan par gyur te/ bdag nyid chen po 'di'i che ba'i yon tan gtam du brjod pa la kha ston du byed par gyur to/ /de bzhin du chos rje lo chen gyi bla ma'i gtso bo/ chos rje dpal ldan bla ma dam pa'i zla mchod nyi shu lnga byung res kyis dge 'dun gang yod la tsha ba nar ma dang / hor zla bdun pa'i nyer lnga la lnga mchod chen mo zhes bya ba nyin rangs kyi bsnyen bkur dgos kyi rnyed pa rgya chen po dang bcas pa dang / lo chen byang rtse'i zla mchod nyi shu gcig byung res kyis dge 'dun tshogs su tsha ba 'dren pa'i cha sraul yod pa rnams ma chag gi steng dang je bzang la btonggtong ba dang / de'i steng du/ chos rje lo chen gyi zla mchod