[A:136]brang gi bla bzo ba dpon rgya phug ces bya ba dad pa shin tu che zhing / 'di pa'i phyogs su yang byas pa grangs mang / phyis/ nged kyi rtsar rab byung bsnyen rdzogs byas dge sbyong sher rgyam du btags/ rgas rgas kyi bar du bya ba las kyi 'khor lo'i mthil blangs pa gcig yin no/ /bla ma dam pa 'di ni spyir nam mkha' mdzod la mnga' brnyes kyang / gzhan la go dkon pa'i ched du/ sbyin shugs chen po'i tshul mi ston/ /rang re sbyin shugs chung ba zhes yang yang du gsung / lan cig lug mgor byed tshal cig zhus pa/ sku mdun na dge ba'i bshes gnyen 'dra yod pa dang / gsung gleng cung zad la yengs nas re dga' bzhes tshar ba dang | a ka kha tya ri bzo bo la ster dgos pa yod pa la de zos tshar byung gsung / bshos lpags da ra la mdzad cing dka' ba spyad nas/ dus mchod stobs can 'dzin pa dang 'khar lenmkhar las mtha' med pa rnams mdzad pas thugs stobs che bas mchog tu gangs can pa kun gyis 'dzin cing bstod pa 'don no/ /de nas/ lug lo'i dbyar spang bad ma grub pas sngon du zhal la legs par byas te/ dri gtsang khang khyams mtha' dang bcas pa dang / mthong g.yabs bcas ngos rnams la/ mtshon sna brgya rtsa brgyad kyis rnam par bkra ba'i/ bla ma'i sku 'dra dang | de bzhin gshegs pa rnams kyis zhing gi bkod pa mdo nas 'byung ba du ma dang / 'jam dpal rtsa rgyud nas 'byung ba'i bris sku che chung dang / gzhan yang / sangs rgyas byang sems lha dang lha mo khro bo dang chos skyong rgyal chen la sogs rnams la bya spyod kyi lha 'bum dang yo ga'i lha 'bum chen mo nas 'byung ba'i lha tshogs mtha' yas pas bskor ba rnams legs par bzhengs/