[A:137]lha bzo ba tshan che ba dang / las byed pa mang po dbyar ril po bted nas rtsol ba cher mdzad pas/ ri mo thams cad legs par grub/ ston hor zla bcu pa'i dus ston chen mo'i steng du/ kun mkhyen chen po dang / mkhan chen bsod rin pa dang / dka' bzhi ba rin chen rgya mtshan dpal dang / rgya ston shAkya'i mtshan can la sogs pa dge ba'i bshes gnyen bzang rags mtha' yas pa spyan drangs/ dge 'dun bdun brgya tsam gyis zhag mang po mdo sngags nas 'byung ba'i cho ga rgyas par mdzad/ rgyud sde gong 'og rnams nas 'byung ba'i rab du gnas pa'i cho ga rgyas par mdzad| dri gtsang khang gi dbus su/ nang bstan chen mo bzhugs su gsol| dge 'dun ser chags dang skye bo mi mang po rnams kyang dga' ston gyis tshim par mdzad/ zhing khams so so'i sbyin bdag rtse gdong bla brang nang sos thog drangs pas gtsang phyogs pa rnams kyis g.yas gral bzung rin dpung nang sos thog drangs/ gzhis kha ba la gtogs pa rnams kyis g.yon gral bzung | rab gnas kyi sbyin bdag gi mthil chen po/ thob rgyal bas mdzad do// de nas de ka'i dgun stod nas spang ba dang bcas pa dang / rung ba'i khang pa ka ba bcu gnyis tsam gyi sa dang bcas pa rnams lhan cig tu bsgrubs/ de dag du dgos pa'i thab zangs che chung / khro che chung zangs shu 'ga' re la sogs pa dang / dge 'dun gyi gnas mal 'bol yug sum bcu tsam dang snum yug rab tu mang po dang | rol cha dung bzang po dang rnga dang rag dung dang / 'phyar dar dang / mchod cha dang / gsung rab sher phyogs dang mdo mang dang dkon brtsegs la sogs pa gzhan dang gzhan nas sogs pa la sogs pa yang/ rje 'di nyid kyis