[A:138]mdzad de/ bya bral ba'i dgon pa gsar bu la dgos cha mtha' dag gsar du bsgrubs pa kho na yin no/ /de dag ni bya ba las kyi 'khor lo la brtsams te bya ba mdzad tshul brjod pa yin gyi/ gtso bor ni/ bla ma 'di rang nyid chos tshugs la rtsal du 'don pa dang / dge 'dun gyi chos khrims bslab tshugs kyang 'di'i ring kho na dam zhing tshogs kyi kun spyod sgrig pa yang spyan cung zad gzigs pa tsam gyis chog par byed pas/ shin du 'grig pa kho na 'byung ba dang / sgrub pa nyams len gyi 'khor lo la bya ba yang phul du byung ba mdzad cing / rang nyid kyi slob dpon gsang phu ba byang sems dznyA na shri dang snga mo nas dpon slaub bka' 'gros mdzad de| dbus su gdan 'dren la byon/ mngon tshan ches na/ dbus kyi bu slob sgo mo rin po che dpal bzang pa la sogs pas 'gog par yod 'dug pas/ ri bo dge ldan du/ shar tsong kha pa chen po la lam rim la sogs pa gsan pa kho na la byin pa'i lugs su mdzad nas gsang thabs su gdan drangs te phebs pa na/ rin po che dpal bzang pas/ bla ma rkus pas dam pa ma yin par thal zer ba'i 'phrin yig byung ba rgal rtags sogs kyang yod/ de ltar/ byang chub sems dpa' de nyid chos rje lo chen mi gshegs tsam nas gdan drangs te lo bdun brgyad kyi bar du chos gsung du 'jug pa dang / chos rje gnas snying dka' bcu pa dgon pa 'dir ched du chos gsan/ bla mar khur gus par mdzad pas| kho rang gis kyang chos gsan/ 'dir bzhugs nas tshogs pa la chos mang du gsungs/ chos rje mkhyen rabs pa yang nan gyis skor nas chos gsungs du 'jug pa dang / gzhan yang 'di pa rang gi dge ba'i bshes gnyen chen po rnams