[A:139]la re re nas grangs spraud pa dang dngos lkog du gnang sbyin mdzad pa sogs kyis bskyangs te 'chad nyan la 'bad pa cher mdzad pas/ klog pa thos bsam gyi 'khor lo la yang bya ba shin tu phul du byung ba mdzad do/ /
gsum pa/ mthar yang nang gi rnal 'byor gtso bor mdzad tshul ni/ 'khor lo gsum gyi bya bas rgyal ba'i bstan/ /ches cher rgyas par mdzad nas chos kyi srid/ /rgyal sras mchog la gtad de rim gnyis kyi/ /ting 'dzin bdud rtsis bzhes pa de la 'dud/ /ces pa ste/ de ltar chos kyi rgyal srid mtha' yas pa rnams gong 'phel gyi sgo nas lo nyi shu'i bar ste/ khyad par/ lo chen gshegs nas lo dgu'i bar dka' ba rgya phrag du ma'i 'bad pa lhur blangs te legs par sbyangs nas/ sa mo phag gi dpyid sos/ dpal ldan bla ma dam pa chos rje sems dpa' chen po nam mkha' 'od zer ba'i zhal mnga' nas la chos kyi rgyal srid gtad par bzhed de/ de yang bla ma 'dis gdan sa'i mtshan ma btags kyang dge 'dun spyi la chos rgyun du gsung pa dang / dus mchod kyi rgyu ba 'dzugs par dang | lha khang dang mchod rten bzhengs pa'i yo byad 'tsho ba la ru khrod du 'byon pas dang tha na tshogs kyi kun spyod dang spyi spyod sgrig pa sogs kyi thugs khur shin du che bar bzhes kyi yod de 'dra'o bya gcig bshor na ni ma bzhugs pa'i rkyen byed yang srid/ 'dir la mi 'chol du gzhan sus kyang mi yong/ thabs ji ltar drag gam snyam du dgongs pa las/ de dus/ shar tsong kha ba bzhugs pas/ de nas bka' shog nan can gcig spyan drangs na legs sam blo bur du sus kyang ma rig cing ma dgos pa legs snyam du dkon mchog la gsol ba btab pas phyi