[A:110]rus phun sum tshogs pa/ mkhon [-] 'khon gyi gdung rgyud kyi drung skor drag gtogs su slebs pa/ dpon lnga dar zhes bya ba dang / yum/ chos rje lo chen gyi lcam mo dpon mo pad ma zhes bya ba gnyis kyi sras su bsams bzhin du skye ba gzungbzung ste/ bdag cag rnams kyi dpal mgon du gyur to/ /yab yum de dag kyang / rang bzhin bzang ba dang g.yo dang sgyu med pa dang dge ba la spro ba dang / byams pa dang snying rje che ba dang / dkon mchog gsum la lhag par dad pa la sogs pa'i yon tan phul du byung ba dang ldan pas khy-im na gnas pa rnams kyi nang na yang kha na ma tho ba med cing / kun gyis bstod pa dang bkur ba gnas su byed pa zhig go |lhag par/ gzhon nu byang chub sems dpa' de nyid/ mnga' du zhugs pa tsam nas dge ba ngang gis 'phel ba dang / sdig pa rnams shugs kyis 'grib pa dang / dpal dang 'byor ba dang phun sum tshogs pa'i bye brag gang ci yang rung pa rnams ni gong nas gong du 'phel/ nyes pa dang skyon dang gnod pa thams cad ni bskrad pa bzhin du gyur te/ mnga' gyi gnas skabs su yang 'brel ba rnams la bgyi bar bya ba rnams legs par mdzad do/ /de nas/ bstan rtsis chen mor grags pa ltar na/ rgyal ba mya ngan las 'das nas lo gsum stong dang bzhi brgya dgu bcu 'das shing / dus 'khor ltar na nyis stong dang nyis brgya zhe gsum 'das pa/ me mo bya'i lo la sku bltams te/ shar tsong kha ba chen po dang rgung zla cig pa yin no/ /de lta mod kyi/ 'brom ston pa'i sku skye yin no zhes bya ba 'di la yang dag pa'i gtan tshigs dang sgrub byed dag med na ni gcam bu tsam du zad la/ yod na ni brjod pa skabs su bab po zhe na/ shin