[A:111]du'ang yod de/ kho bos/ chos rje lo chen gyi rnam thar du brjod zin mod kyi/ 'dir yang bshad par bya ste/ 'di ltar/ sems pa chen po 'dis/ dang por bsam grub chos sdings pa'i bla ma dpal 'byor ba zhes bya ba gang zag khyad par can byang chub sems dpa' sngon dang phyi ma'i mtha' mang rab lung ston pa gcig yod pa'i drung du/ bka' gdams glegs bam gyi lung bstan pa na/ dgyes bzhin du gnang nas rdzogs pa na/ chos 'di khyod rang gi chos su 'dug pas/ chos bdag po'i phyag du 'phrod do zhes gsungs shing / khyad par/ dbus gtsang gi chos rje rnam gsum| gnam rtse ldeng du chos 'khor mdzad rjes/ rje btsun chen pos gtsang la byon| chos rje gzhan gnyis byang ra sgreng du byon pa la/ ra sgreng pa rnams kyis/ chos rje lo chen gyi drung du| bka' gdams glegags bam gyi lung zhus pas/ nged la de'i lung med/ de'i lung yod pa gcig gtsang nas yong rgyu yod pa yin te gsung / de nas/ rje 'dis/ chos rje lo chen yar gdan 'dren la byon pa na/ de khyed rnams 'dod pa de byung ngo gsung nas/ der lung zhus pas/ glegs bam dpe khang na bzhugs pa tshol shog gsung / khong rnams kyis rtsal bas ma rnyed par/ nyid kyis dpe khang du byon pas dpe'i cha'i phyi nas mkhyen te/ ya gi yin tshod du 'dug then dang gsung nas ston pas ma 'khrul bar byung bas kun ngo mtshar/ de dus/ ra sgreng gi gtsug lag khang la me'i gnod pa chen po yang byung zin/ dgon pa gong 'og kyang shin tu mi mthun par gyur te/ 'thab rtsod dang mi mdzes pa shin du mang ba byas shing byed bzhin pa'i skabs yin pa la/ bla ma 'di'i 'phrin las dang thugs rje chen pos dgra gshed du gyur