pa mkhas par grags pas/ de'i drung du byon te 'dul ba'i skor rnams gsan cing mdo rtsa rdzogs par thugs la gsungs/ spyod phyogs rnams kyang gsan/ kye'i rdo rje la sogs pa'i sngags kyi skor yang gsan cing bzhugs so// grogs cig gis dgun ci byed ces 'dri ba la/ mtshams byas nas sngags kyi dpe 'dra 'bri gsungs pas/ 'o na kho re byan lag tshang na/ rdo rje snying pos mdzad pa'i kye'i rdo rje'i 'grel pa'i dpe 'dug zer bas de 'dri'am zhes zer ba thos pas/ sngon gyi bag chags sad de dad pas spu zing gyur to// dpe de g.yar du khugs sam zhes dris pas/ khugs so zhes zer nas g.yar te 'dri zhing gzigs pas/ shin tu dad de 'di 'chad pa yod dam zhes dris pas/ so ma nA tha zhes bya bas 'chad ces grag go zhes zer na'ang / sngon gyi mi zhig ka yin nam snyam nas rtsad legs par ma bcad gsung / de nas khams pa lhe'u ba la spyod phyogs gsan pa la dbus su byon nas chos gsan cing bzhugs pa'i dus na/ paNDi ta zla ba mgon po skar chung na bzhugs zer ba gsan/ der sngar gyi gtam dran te/ des rdor snying 'grel pa mkhyen nam zhes dris pas/ der ma zad kyi spyir gsang sngags tsam la mkhas/ khyad par dpal dus kyi 'khor lo'i 'grel pa chen pos thog drangs pa 'grel pa skor gsum la mkhas par grags so zhes gsungs/ zhus na gnang ngam zhes dris pas/ spyir bka' dog ste/ da lta bal yul du gshegs par chas pa la zhabs tog pa ma rnyed 'dug zer bas zhabs tog la 'gro nus na gnang 'ong gsung / der dgyes bzhin du mjal du byon nas/ sum pa rdo rje gzhon nu la mjal ba dang / chos zhu ba'i sna bo bcol te phyin pa/ paNDi ta dang bla ma gnam la brtsegs/ kye'i rdo rje'i rtsa sngags dang / yi ge brgya pa la zhus dag mdzad cing 'dug pa'i tshe mjal zhing chos 'brel zhus pas/ sngags gnyis po la bshad pa mdzad de gsungs/ chang dkar yol gang yang gnang bas ma 'thungs pa la bla mas gnang ba mi 'thung ba khyed stangs zhan zhes 'ga' zhig zer ro//྄ paNDi tas gser thig po dang / gla rtsi skyal pa mang po bstan nas 'di rnams khyed kyis bal yul thug khur nus shing mgo thon na/ de nas ngas bod du slar 'ongs la chos gang dgos sbyin no gsung / de bzhin du bya'o snyam nas sgom pa tshul grags la dpe cha rnams bcol ba len du byon pas/ khyod gar 'gro zer ba la/ sngar gyi lo rgyus rnams bsnyad pas/ paNDi ta la chos mi khugs sngar yang mang pos ma khugs pa yin/ paNDi ta'i chos rnams cis kyang don du gnyer na nged kyi bla ma snor bzangs pas/ rdzogs par mkhyen pas der zhus pa mi 'thad dam zhes zer bas blo 'gyur te ston pa rgyal ba 'od/ sgom pa dbang bsod/ sgom pa tshul grags gsum la zhus sna bcol/ gser zho 'ga' zhig dang dung chos legs pa gcig ka pA li ga cig rnams phul bas mnyes te/ khyod kyi 'di rnams kyang la nye bzang / sog 'dul ba 'dzin pa de dge ba'i bshes gnyen tshad ldan cig yod par 'dug ste/ de'i yang thugs zin pa cig yin zer bas khyod la yon tan cig yod pa yin te 'ong gsungs nas/ chos gnang bar zhal gyis bzhes/ bla ma dgung lo bdun cu rtsa gnyis pa dang mjal te lo bzhir bar med du bsten nas/ 'grel pa skor gsum gyi gzhung man ngag cha lag dang bcas pa dang / mtshan brjod man ngag gi bshad pa dang / gsang 'dus sgron gsal