[A:226]
thub bstan legs bshad bzang po'i gsung rnams ni/ mdzad pa po nor bu bstan 'dzin/ des bdag blo gter la'o/ /dmigs kyis ma bsal ba rnams ni dbang brgyud dang 'dra'o/ /dbang dpe min pa'i dpe tshan ji yod kyang lung thob pa sha stag go/ //rtsa ba'i sa bcad bzhi pa gang las 'phro ba'i gzhi'am 'byung gnas rdo rje 'chang chen po'i gsung rdo rje 'chang gi rgyud sde rnams la khungs gtugs te nges shes mi 'phrogs par ster zhing / rnam gzhag thams cad khong du chud pa'i slad du rgyab brten rgyud kyi bshad bka' la brgyad las/ dang po rnal 'byor bla med pa rgyud mtha' dag gi gtso bo zab pa dang rgya che ba'i rgyud thams cad kyi rgyal po dpal gsang ba 'dus pa dang / gnyis pa rnal 'byor bla med ma rgyud thams cad kyi mthar thug pa dpal 'khor lo bde mchog gi rgyud/ gsum pa rdo rje phur pa rtsa ba'i rgyud kyi dum bu chos rje sa skya paNDi tas bsgyur ba rje bla ma mkhyen brtse'i zhabs la nye brgyud kyi bshad bka' bzhugs pa/ de dang 'brel ba'i dpal yang dag he ru ka'i gsang thig bzhi pa 'phags pa 'jam dpal gyi mtshan yang dag par brjod pa'i rgya cher bshad pa rdo rje'i rnal 'byor gyi de kho na nyid gsal ba'i nyi ma chen po/ lnga pa rgya che ba gnyis su med pa'i rgyud kyi rgyal po dpal dus kyi 'khor lo'i rgyud 'grel pa dang bcas pa/ drug pa dpal yang dag par sbyor ba'i rgyud 'grel pa dang bcas pa/ bdun pa dpal mkha' 'gro ma rdo rje gur gyi rgyud 'grel pa dang bcas pa rnams ni 'og kha skong du 'chad par 'gyur la/ brgyad pa 'dir zab pa gnyis su med pa'i rgyud kyi rgyal po dpal kye rdo rje'i rgyud kyi bshad bka' la/ de'i bshad lung gi rgyun da lta'i bar du bzhugs pa dang / nye brgyud kyi dbang du byas na/ rje