[A:231]
zhes te/ biRWa pas sa skya pa chen po la rgyud sde bdun cu rtsa gnyis kyi bshad bka' tshul bzhis gsal bar byas pa gnang ba las gtso bor rgyud gsum gyi brgyud pa la/ bdag med ma/ biRWa pa/ sa chen/ rtse mo/ sa paN/ 'phags pa/ dkon mchog dpal/ bsod nams dpal/ bsod nams rgyal mtshan/ dpal ldan tshul khrims/ chos rje ye shes rgyal mtshan/ ngor chen kun dga' bang po man gong dang 'dra'o// //de ltar smin grol rgyab brten dang bcas pa 'di dag bdag cag gi drin chen rtsa ba'i bla ma mkhan chen thams cad mkhyen gzigs chen po byams pa kun dga' bstan pa'i rgyal mtshan gyis 7.ngor chen rdo rje 'chang gi gsan yig rgya mtsho ltar rtsa ba'i 'chang gzhi dkar chag tu btab pa rtsa bar bzung / der ma 'khod pa rgyun rnam dag yod nges dag rdzogs pa'i sangs rgyas rje bla ma mkhyen brtse'i zhabs kyi bka' ltar kun mkhyen rin po che rnam pa gnyis sogs las gsar du zhus te yid bzhin gyi nor bu lta bu'i rgyud sde chen po rtsod bral 'khrul zad kyi bka' 'di dag snyigs ma'i 'dam rdzab kyi khrod du nub par phongs pas rgyud rgya gzhung gi dgongs pa bod gangs can pa'i shing rta chen po rnams kyis bkral ba ltar la/ sogs khongs bkrol ba tsam ma gtogs tha na phyag len phra mo tshun chad grub mtha' so so'i bzhed srol gtsang mar bkod cing / thog mtha' bar gsum gyi dka' gnad rnams 7.rje bla ma rnam gnyis dang / mkhas pa'i dbang po dag la zhus mthar gyis phyogs dang ris su ma chad par stabs gcig tu bsgrigs pa'i bka'i bsdu ba chen po 'di nyid tshang la ma nor ba'i chos kyi phung po chen por bsgrubs pa yin la/ de'ang yig cha phyogs gcig tu bsgrigs