[A:232]
pa tsam du ma zad/ rdo rje 'chang gi bka' lhad med kyi rgyud sde chen po 'di dag rgyu mtshan rtogs pa'i rnam dpyod dang ldan pa lta srid na/ bka' srol zab mo gcig gi rgyun tsam nub na'ang 'dzam bu'i gling gi dpal dang 'byor pa 'di'i thad na sbun par nges pa'i blo skye bar 'gyur ba ltar/ don che la 'bras bu de tsam du che bar mthong bas deng nas brtsams te ji srid pa bstan pa rin po che nam gnas kyi bar du mi nyams shing / 'di nyid don du gnyer ba'i skal bzang / nyams su len pa'i rnal 'byor can/ gzhan la spel ba'i lhag pa'i bsam par 'chang ba su gang dag 'byung bar 'gyur ba la rtsol sgrub kyi ngal bas bsgrub bya lag tu mi lon par bar ma dor chud za ba'i g.yangs las bde blag tu bsgral te rang nor rang gis spyod pa la tshegs med pa bzhin du 'dod rgur rtsen chog pa'i phyir dang / gcig nas gcig tu brgyud pa'i lag rjes ma dag pa rgyun 'byams pas mthar gyis rdo rje'i gzhung thams cad la nor 'khrul gyi dri mas kun nas bslad par srid pas de spang ba'i phyir dang / rdo rje theg pa'i bstan pa rin po che 'jig rten na sangs rgyas las kyang 'byung bar dkon pa dang mjal ba'i dus 'dir ji mi snyam du mi 'dor bar 'di lta bu'i brtson pa dang ngal ba bdag gir bzhes te gus pa'i sri zhu ci nas kyang mdzad par rigs so zhes gzhan dag la gsol ba 'debs pa'i phyir dang / legs byas kyi sgo thams cad las phul du byung ba dam pa'i chos kyi phyogs la bya ba byas pa yin pa dang / smon lam thams cad kyi mdo chos 'dzin pa'i smon lam la 'dus par sangs rgyas nyid kyis gsungs pas na chos kyi snying po rdo rje theg pa la ches mchog tu 'dzin pa dang bsrung ba la bsod nams kyi mthu rlabs po che 'byung bar nges shes kyis rang gzhan thams cad la thar pa'i sa bon