[A:234]
'doms mkhas rnams/ /bka' drin dran pas slar yang phyag bgyi'o/ /mgon rnams mi 'phrogs pa yi mkhyen rab dang / /mnyam par 'grogs pa'i gsung gi gsang ba las/ /snyigs ma'i mthar yang rgyud sde che rnams kyi/ /bstan pa nyin mor mdzad la su mi rangs/ /sa la sangs rgyas dngos su byon pa yi/ /rdo rje 'dzin pa'i tshogs kyis skal bzang bdag /mtshan tsam thos dka' rdo rje'i lam mchog 'dir/ /bde blag drang ba'i bka' drin gzhal snga min/ /de phyir 'og min zhing du rigs drug pa'i/ /dag pa'i 'khor rnams rjes su bzung ba bzhin/ /dus dang mi 'tshams chos kyi dga' ston gyi/ /nor bu'i bang mdzod dbang 'di bla ma'i drin/ /rje btsun bla ma rnams kyi thugs bskyed dang / /bdag gi mos dge gtsang ma'i rten 'byung las/ /'di nas tshe gcig rdo rje 'chang pa'i sar/ /'khrid pa'i lam srol ma tshang med pa thob/ /zab rgu thob pa'i rnam grangs ma nges pa'i/ /the tshom rkang pa ring po'i gom stabs kyis/ /bsam dpyod yangs pa'i thang chen gzhal ba 'ga'/ /tshul min nam mkhar 'dom gyis 'jal dang mtshungs/ /de phyir yongs 'dzin mkhas pa'i ded dpon gyis/ /smin grol gdams pa'i nor bu gang stsal ba/ /brjed ngas 'jigs pa'i dgra 'dis bcom dogs nas/ /srung byed yi ge'i khang bzang gsar du bskrun/ /de mthus thub bstan mdo dang sngags kyi tshul/ /nam mkha' ji srid 'gro ba'i sgron me ru/ /lung rtogs 'od kyi drwa ba 'bum 'gyed bzhin/ /'jig rten khams na 'grib med gsal gyur cig /gangs ri'i khrod na zab rgyas rgyud sde'i tshogs/ /rdo rje 'chang gi lung bzhin bshad sgrub mkhan/ /dpal