[A:233]
'debs pa'i phyir dang / khyad par du'ang rtsa ba'i rigs bdag chos kyi dbyings su snyoms par zhugs pa rnams kyi dgongs pa'ang 'di kho nas rdzogs la/ da lta 'tsho zhing gzhes pa rnams kyi sku tshe mdzad phrin gyi bar chad thams cad kyang 'dis sel zhing / ji ltar bzhed pa'i phrin las thams cad kyang 'dis byed do snyam nas bka' drin gyi byas pa mtha' gcig tu gzo ba'i phyir dang / gzhan yang nag po'i phyogs kyi sde chos la zhe sdang ba rnams kyis log par lta ba'i blo brtsam pa dang bcas cig car du 'gyur ba sogs 'jig rten gyi rgud pa byung ba thams cad zhi zhing / ma byung ba mi 'byung ba'i rgyu bstan pa rin po che'i dpag bsam ljon pa'i skyabs su skye rgu rnams bde skyid kyi dga' ston nyams su myong ba bcas kyi ched las/ rang nyid kho na bde ba'i rgyu dang / gzhan la 'gran pa dang / gzhan las khyad du byar 'dod pa dang / rgyu 'di las bsnyen bkur gyi tshigs su bcad pa thob tu re ba la sogs pa'i bsam pa med cing / rang gzhan thams cad la gnas skabs dang mthar thug kun tu sman pa lhur blangs nas ji ltar 'du bgyis pa'i yi ge'i tshogs ma lus pa gzhi gcig tu grub na bskal pa'i mthar yang 'dzad du med pa'i ngo mtshar spar gyi 'phrul chen mo mngon par bskrun pa'i legs byas stobs su smin pas bod gangs can gyi ljongs snyigs ma'i mun pas mog bor byas pa nyid rdo rje theg pa'i bstan pa'i nyi ma lnga na med pa shar bas bstan pa dang sems can gyi khams na rdzogs ldan gyi snang ba gsar pa zhig lhag par gsal bar gyur cig/ //slar smras pa/ rab 'byams dkyil 'khor gtso bo'i ting 'dzin la/ /mnyam par 'jog bzhin zab gsang rdo rje'i lam/ /dmigs med thugs rje'i ljags kyis