[A:4]
nA ro ta pa'i man ngag za ma tog /mnga' bdag sras dang slob mar bcas rnams kyi/ /grub pa'i 'tsho bar phog pa don ldan pa'i/ /mkhyen rtogs 'byung gnas de dag phyag gi yul/ /gangs can rgyud sde rgya mtshos gtams gyur kyang / /mtha' dag bzhes pa khyad las ma dmigs pas/ /rig pa 'dzin pa yongs kyi ston pa mchog /kun mkhyen bu yi zhabs la phyag bgyi'o/ /rgyud sde bshad pas rdo rje 'chang ba dang / /lung brtan brnyas pas gzhan las 'phags pa dang / /phrin las zab pas kun dga' bzang po zhes/ /grags pa'i gdugs dkar mtho la phyag 'tshal lo/ /shes bya rab 'byams khyad par gsang don la/ /skyes thob spobs pas dbang 'byor kun gzigs che/ /zab rgyas rgyud sde tshad ma'i lung thob pa/ /rje btsun chen po yab sras zhabs la'ang 'dud/ /rnam grol lam gyi gzhi rtsa brtan byed pa'i/ /mnyam med jo bo'i bka' srol skyong rnams dang / /'jam dpal dbyangs kyi gsang ba'i snying 'byin po/ /smra ba zla med brgyud par bcas la gus/ /bstan pa yongs rdzogs 'chad dang sgrub pa la/ /phyogs su lhung min mkhyen dang brtse ba'i gter/ /zab rgyas rgyud sde'i nyin byed gcig bu pa/ /dkyil 'khor gtso bo gang la gus phyag 'tshal/ /mdo sngags chos kyi khri la dbang bsgyur te/ /rgyal ba'i dgongs pa smra la bsnyengs bral ba/ /phyis dus rgyud sde'i srol 'byed kun dga'i rje/ /bstan pa'i rgyal mtshan zhabs pad spyi bor len/ /rnam par snang mdzad sgyu 'phrul drwa ba'i rol/ /mdzod chen lnga yi shing rta'i srol chen btod/ /grub pa'i rgyal mtshan srid rtser bsgreng pa yi/ /yon tan rgya mtshos byang chub bar du