[A:5]
skyongs/ /'jam dpal dbyangs dang gnyis su mi phyed pa'i/ /shes bya rab 'byams mkhyen pa'i rnam dpyod can/ /sum ldan rdor 'dzin rgya mtsho'i mnga' bdag cher/ /bsam bzhin dad pa'i lha phyag ri ltar brtseg /dpal ldan yon tan tshogs kyi byed po yis/ /mi 'jigs gdong lnga'i khri la dbang bskur zhing / /mtha' klas skye rgur blo gros dpal ster ba/ /bstan pa'i rgyal mtshan srid rtser bsgreng la 'dud/ /rin chen byang chub sems kyis thugs rgyud gtams/ /rtse gcig sgom pa'i ting 'dzin bdud rtsi yis/ /'gro la phan bde'i ngal 'tsho sbyin mkhas pa/ /rdo rje 'chang dngos dpal ldan bla mar 'dud/ /brtse chen kun dga'i lam srol ji snyed pa/ /thugs rgyud za ma tog tu 'khyil ba yis/ /zab gsang smin grol rgya mtsho'i srog mthud mkhas/ /kun dga' 'jam dbyangs bka' drin dran bzhin dad/ /rnam kun mchog ldan rdo rje nam mkha'i dbyings/ /bslab gsum nor bu'i chu 'dzin bshams pa las/ /mkhas tshul gsum gyis 'dod rgu 'jo ba'i dpal/ /yongs rdzogs bstan pa'i rgyal mtshan 'dzin la 'dud/ /rdo rje rnal 'byor ma yis rjes su bzung / rgyud gsum dregs pa'i tshogs rnams bran du 'khol/ /snyan brgyud bstan pa'i srog shing gdong khar ba/ /'jam dpal bstan 'dzin bzang por snying nas gus/ /nges 'byung byang chub sems spyod mchog rnam par dag /rim gnyis ting 'dzin 'od gsal mngon du gyur/ /mkhas tshul gsum gyis bstan pa gsal mdzad pa/ /ngag la dbang 'byor dam chos ragaya mtshor 'dud/ /nges 'byung tshul khrims rtsa ba rab brtan cing / /byang chub spyod pa'i lo 'dab phyogs brgyar grol