[A:9]
pa'i nyes pas mi gos shing / dbang po'i spyod yul la mi ltos par lam la tshul bzhin du bslab pa zhes bya ba de'ang 'gyur ba'i phyir cis kyang 'os la/ rgyud sde rnams las kyang de ltar bstan pa dang / rgyud sdom pa gsum dang ldan pa'i tha snyad kyang 'dis thob par 'gyur bas/ rdo rje 'dzin pa rab 'gring tha mar gsungs pa'i mchog rab tu'ang chud pa'i phyir dbang bskur ba'i sngon du so byang gi sdom pa 'gro dgos pa rgyu mtshan de dag gi phyir don dang 'bras bu khyad par du 'dogs mod/ gal te yul dus gnas skabs kyis sdom pa rim bzhin nod pa ma byung yang / gsang sngags dad pa'i lam gyi phyir na rdo rje theg pa nas bshad pa'i sdom pa dang dam tshig la gces sbras su cher byed pa rnams kyang gcig tu rung zhing / thun mong dang thun mong ma yin pa'i sdom pa 'bogs pa'i skabs de dang der ldan pa'i gang zag tu 'gyur la/ des so byang gi sdom pa dmigs bsal ba'i dod kyang cho ga'i sgo nas nges par 'thus mod/ bsrung sdom ni gang gi skabs su'ang rang nyid kho na la rag las pa'i phyir 'phags bod kyi rdo rje 'dzin pa thams cad kyis don de la dgongs te mtha' gcig tu dogs pa ma mdzad pa de lta na'ang / deng gi dus su ni gong du bshad pa ltar bstan pa rin po che'i 'jug sgo dang mthun pa'i so so'i cho ga las thob pa'i nges 'byung gis sdom par gnas pa gzhir bzhag nas/ bka' srol gnyis las byung ba'i byang chub sems bskyed kyi sdom pa la/ thog mar dpal mgon 'phags pa klu sgrub dang / zhi ba lha sogs kyis bkral zhing / dpal ldan sa skya pas dar rgyas su mdzad pa'i dbu ma lugs kyi sems bskyed