[A:8]
babs te/ bod gangs can gyi ljongs su skad gnyis smra ba'i dbang po rnams kyi bka' drin las bsgyur bshad 'chad nyan gyis gtan la phab pa'i smin grol deng dus 'dzam bu'i gling 'dir rgyun bzhugs so cog rtsol sgrub shugs chen pos nye bar bsags shing rang nyid la phyogs gcig tu zlum pa'i skal bzang bla na med par gyur pa de na'ang / brtan g.yo'i dus kyi stobs las bshad sgrub kyi bgyi ba je phrar gyur pa'i dbang gis 'ga' zhig gi rgyun bag la zha bar phyogs pa na/ lhag bsam brtson pa'i stobs kyis 'thor ba rnams bsdus/ chad pa rnams bsabs/ mi gsal ba rnams gsal bar byas/ /'khrugs pa rnams legs par sbyar ba sogs kyi sgo nas thar 'dod kyi skye bo rdo rje theg pa don du gnyer ba dag gzhal med khang du tshegs med par 'jug chog pa'i skal ba dge ba la sbyor ba'i skabs 'dir yid ches bskyed pa'i slad du so so'i brgyud khungs smos pa la/ spyir smin byed kyi sngon du so byang gi sdom pas rgyud legs par bsdoms pa zhig byung na phun sum tshogs pa'i yan lag tsam du ma zad/ rgyal ba'i bstan pa rin po che 'jug pa'i go rim nges par rjes su 'grub par 'gyur bas thog ma kho nar skyabs gsum 'dzin pa'i dge bsnyen nas brtsams te so sor thar pa ris bdun gyi sdom pa rnam par dag pa nod/ de nas theg pa chen por 'gyur ba'i slad du shing rta chen po'i srol gnyis las byon pa'i smon pa dang 'jug pa'i bdag nyid can gyi byang chub mchog tu sems bskyed pa'i cho ga rnam par dag pas rgyud sbyangs pa la rdo rje theg pa chen po nas bshad pa'i dkyil 'khor chen por gzhug cing mngon par dbang bskur ba bsgrubs na bdag cag gi ston pa 'di nyid kyi bstan pa la gya tshom du zhugs