cad bsreg lha gcig khri btsun yang rang dbang med par 'khrid do snyams nas/ thugs kyis ni lha gcig sbyin par thag bcad/ zhal du ni ma bton par blon po rnams blo brtan mi brtan lta ba dang brtag par bya bas yang smras pa/ khyod las nga bzang ste/ khyod mtha' 'khob na zas dang longs spyod med/ nga la sangs rgyas 'od srungs kyi ring nas da ltar bar du thab tu du ba rgyun ma 'chad pa'i longs spyod kyi brel ba med pa yod pas khyed la med/ 'dod pa'i nor longs spyod la longs spyod du yod na lha gcig sbyin gyis/ de med na mi ster gyis la lan khyer las shog gsungs pas/ de la blon po mgar gyis zhus pa/ sngar zhus pa bzhin du khyod bal yul dang bod gnyis kyi bar du thag ring po de la 'phrin phar skyel tshur skyel byas na/ nged kyis lha gcig spyan 'drongs pa'i dus mi yong bas de la rgyal pos zangs kyi sgrom bu 'di bskur ba lags so/ /zhes sgrom bu de phyag tu phul lo/ /de rgyal pos gzigs pas bal po'i yi ger byung ste/ khyod bal po la sangs rgyas 'od srungs kyi ring nas thab kyi du ba rgyun chad ma myongs pa nor longs spyod kyis brel ba med/ nged mtha' 'khob rgyal po la med zer te/ khyod dgyes shing lha gcig khri btsun bkas gnang na/ ngas nangs gcig la sku lus kyi bkod pa brgyar sprul la mig yul du gyur pa la gzugs kyi longs spyod mi 'dra ba stong / rna ba'i yul du gyur pa la sgra glu dbyangs dang rol mo sil snyan gyi longs spyod mi 'dra ba stong / sna'i yul du gyur pa la dri'i longs spyod mi 'dra ba stong / lce'i yul du gyur pa la zas ro mchog gi longs spyod mi 'dra ba stong / lus kyi yul du gyur pa la reg bya'i longs spyod mi 'dra ba stong / yid kyi yul du gyur pa la tshad med pa bzhi/ byang chub kyi chos sum cu rtsa bdun la sogs pa stong du sprul/ gzhan yang skad cig thang cig yud tsam gcig la 'dzam bu'i gling gi longs spyod kyi gter kha thams cad kha phye la sems can thams cad la brel ba dang / phongs pa thams cad bral ba'i longs spyod mnga' thang chen pos sems can thams cad kyi don bya la bde ba la bkod la bzhag gi de ngo mtshar che 'am bya ba byung bas/ der bal po'i rgyal pa'i snyam pa la/ mtha' 'khob kyi rgyal po'i sku lus kyi bkod pa dang / rnam par 'phrul pa ni bsam gyis mi khyab/ bka' sog sgrom bu yang thogs pa med/ snyam nas der lha gcig khri btsun bkas gnang ngo / /der yab rgyal pos lha gcig la khyed bod kyi rgyal po'i btsun mo la 'gro dgos gsungs pas/ lha gcig gi zhal nas/ pha ma dang ming po dang mi 'phrad pa'i yul chos pa/ gnyen dang mi 'phrad pa'i yul der nga mi 'gro zhes smras so/ /der yab rgyal po na re/ des mi phan/ khong sprul pa'i rgyal po yin par 'dug kho la sra brtan nas khyod khong la ma byin na/ khos sprul pa'i dmag mang po sprul nas khyed dbang med du 'khyer/ yul thams cad 'joms palas de bas da lta 'chams pa rung ngo gsungs te/ der yab rgyal pos lha gcig khri btsun mtha' 'khob kyi rgyal po la btsun mor gtong ngo gsungs pas/ mtha' 'khob kyi rgyal po de dad pa shin tu che ba la lha rten med zer bas nga la rdzongs su lha gsum skur cig rgyal po de dbul zer bas rin po che glang po che'i rgyab khal bdun skur cig ces lha gcig khri btsun gyis