zhu ba rgyal po la gsol bas/ rgyal pos lha gcig khri btsun la gnang bar dam bca' khas blangs pas/ de'i mchod gnas su sangs rgyas 'od srungs kyis rab gnas mdzad pa'i jo mo mi skyod rdo rje dang / byams pa chos kyi 'khor lo/ rang byung tsan dan gyi jo mo sgrol ma gsum gnang ngo / /rin po che'i bang mdzod kha phye nas glang po che'i rgyab khal bdun rdzongs su gnang ngo / /glang po che gcig smad du lha gcig khri btsun chibs nas tsan dan gyi sku phyag tu bsnams/ stod du jo bo mi bskyod rdo rje dang / byams pa chos kyi 'khor lo bzhugs nas/ glang po che bdun la rin po che bkal te mang yul gyi shing sna tshogs skye ba'i yul zhig tu bskyal nas der glang po che brgyad po phyir log go/ /rin po che'i khal rnams rta mang po la bkal nas yi dam rnams dang lha gcig khri btsun dang / mi'i nor la dga' ba rin po che rata?n de ba dang / rtag sha rata?n de ba dang baiDUrya'i lhung bzed gsum gyis gtso byas pa rnams blon po rnams kyis 'breng skyed byas nas sku gsum gyis brag dang chu 'thab kyi 'phrang la zhabs kyis byon/ mang yul nas mdzo dang dre'u gsum gyis spyan drangs/ jo mo khro gnyer can gyi mtshan nas brjod cing gsol ba btab nas byon pas/ lha gcig khri btsun dre'u dkar po zhig la chibs nas lha sa'i mthil la phyags phebs pa'i tshe/ rgyal po dga' ston gyi gdan sar spyan drangs/ dmar po ri'i pho brang du rgyal po dang zhal mjal ba'i tshe skye bo kun dang lha mi kun la snang ba gsum du byung / de bzhin gshegs pa rnams la arya pa lo rgyal por sprul pa dang / lha mo khro gnyer can lha gcig khri btsun du sprul nas mtha' 'khob tu chos dar bar bya ba'i phyir zhal mjal ba'i sku las 'od zer 'phros pas phyogs bcu nam mkha'i mtha' khyab pa'i sems can thams cad kyi nyon mongs pa thams cad skad cig la rgyun gcod pa'i rdo rje lta bu'i ting nge 'dzin gyi mdzad pa bcu gnyis kyis rnam par sprul pa bsam gyis mi khyab pa gzigs so/ /byang chub sems pa rnams kyis bdag nyid chen po 'khor byang chub sems dpa' 'bum gyis bskor nas/ theg pa chen po'i chos 'chad pa dang / nyan pa dang / 'dri ba dang / klog pa dang / sems pa dang / sgom pa dang / rnam par grol ba bsam gyis mi khyab pa 'byung bar gzigs so/ /skye bo tha mal pa rnams kyis snang ba la bon po mang po dang bcas pa tshogs nas rgyal po dang lha gcig khri btsun gnyis gdan gcig la bzhugs pa dang / dbu skra sbrel ba dang / sha khu thung res byed pa dang / mar khu'i skyu brje res byed pa la sogs pa'i snang ba byung bar mthong ngo / /de nas rgyal po tsan dan gyi sku bas 'ben tshad re ring du skad cig kyang mi 'bral bar bzhugs te/ de la lha gcig khri btsun gyis snyam pa na/ rgyal po 'di lha dang mi'i spyod yul las 'das pa/ mtshan dang dpe byad du ldan pa ngo mtshar ba zhig 'dug pa la pho brang gi phyir mi 'gro ba cis lan snyam nas 'di 'dri rgyu yin pa la ngas ni bod skad mi shes/ rgyal pos bal po'i skad ni mi shes pas/ 'di phal cher pha rol gyis dmag tshogs kyis 'jigs pa yod nges skrag yin te yong bsam ste/ de la thugs bde ba'i thabs gcig bya snyam ste/ rin po che mang po'i rkyen sbyar nas gnod sbyin mang po bran du bkol te/ dmar po ri'i mtha'i