khongs stag ri seng ri rgya che ba khongs su bcug so phag gi lcags ri gyang rim sum cu rtsa gnyis dang mnyam pa'i mtho khyad tsam pa de la mda' yab dang / pha gu dang / skyed pa dang / rta babs dang / rin po che 'bar ba dang / dril bu g.yer kha'i sgra 'khrol ba dang / mu tig gi dra ba dang dra ba phyed pas brgyan pa/ srin po lang ka mgrin bcu'i grong khyer dang mtshungs pa/ de'i lho ngos lcags ri'i nang na pho brang sog po'i mkhar dgu thog dang / rgyal po'i rtsi mkhar mnyam pa/ de gnyis lcags thag gis 'brel nas dngul dang zangs kyi sbubs kyi srang lam la 'og tu dril bu stong btags pa/ rgyal po dang btsun mo gnyis phar gshegs tshur gshegs pa la sil snyan gyi sgra 'byung ba la phan tshun rgyu ba/ rtse mo la na bun 'thul ba/ nam phyed la char zim zim 'bab pa/ sgo rnams rang bzhin dam par byed pa/ lcags ri'i nang na grong khyer chen po yod pa de la mkhar dgu brgya dgu bcu go dgu rtse mo nyag dang stong / rtse mo rnams nyag thag gis sbrel ba/ mkhar re la mdung ba dan dmar po can sked pa khra bo stong btsugs pa/ phyogs bzhi na sgo spe bzhis bsrungs pa/ gtso 'khor la bya ra ba mi lngas bsrungs pa/ pha rol gyi dmag gi 'jigs pas mi tshugs pa/ mthong na 'jigs pa dang skrag pa'i pho brang de lta bu zhig brtsigs so/ /de'i dpe ra sa'i 'phrul snang gi klu khang gi logs la bris yod do/ /shar phyogs kyi 'od kyis gsal bar byas pa'i lha gcig spyan drangs bar bya ba ni/ blon po chen po mgar gyis rgyal po la zhus pa/ rje lags/ rgyal nag po'i yul gyi lha gcig sngon mo de bdag gis spyan 'dren par zhu zhus pas/ rgyal po'i zhal nas khyed rgya nag po'i lha gcig sngon mo de spyan 'dren na nga'i drung du shog cig thabs bslabs te gtong ngo gsungs nas/ de nas rta pa brgya tham pa 'gro bar chas pa dang / blon po chen po mgar stong btsan yul bzung gis rgyal po'i drung du phyin pa dang / rgyal pos gser gyi bang ba bdun zhu rten du bskur/ dong rtse bdun phyag rten du bskur/ rin po che baiDUrya sngon po'i rmog la pad ma ra ga'i phod btsugs pa/ de gon na lha dang lha ma yin 'thab pa'i g.yul du zhugs kyang rin po che'i mtshon cha 'khor lo dam bca' bzhi ldan pas brgyab kyang mi 'phog rgyal po'i dbang bskur ba'i prog zhu yon tan dang ldan pa yin pas lha gcig gi rin du byed/ rin po che man shel mdog gsal ba mdangs dang ldan pa nyin mo bas nub mo 'od gsal ba grong khyer gyi sgron me byed pa dang lha gcig gi phyag rten du chu shel bskur ro/ /'di rnams rgyal po dngos la phul la zhu ba gyis shig ces gsungs so/ /bka' shog sgrom bu lnga gtad nas rgyal po des khyod la bka' lung mi 'thad pa gsung du 'ong gi de'i dus bka' shog sgrom bu 'di rnams rim pa bzhin du phul la 'di ltar gyis bya ba'i zhal ta bslabs btang ngo / /glu dang / mchod tshig dang / snyan ngag dang / sdeb sbyor dang / bzhad gad dang / rtse mo dang / kha btseg dang / gyad stobs 'gran pa la sogs rgya nag po'i spyod pa dang mi mthun pa yang bslabs te btang ngo / /mar lam dang yar lam/ jo mo sgrol ma'i mtshan nas brjod la song zhig bya khwa ta'i skad kyis ma non pa la song zhig gsungs so/ /rgyal po dang khroms gyes/ dus de'i tshe blon