kyi rnga brdungs nas zhing la sa bon thams cad spu ser tsam byas nas btab pas 'ong / de bzhin mi byed na chad pa gcod do byas pas/ rgya'i rgyal khams thams cad kyis blon po rig can gyi kha ta byas pa bden nam bsam pa dang / rgyal khrims btsan pas thams cad kyis sa bon brngos nas btab/ de nas rgya nag gis bod kyi blon po yar btang lam du zhugs nas/ gyad mi bzhi po la zas cung zad tsam las ma byin par khrid de rgya mo tsha ba'i rong du slebs pa dang / de'i tshe rgya yi stobs can bzhi po la chang mang po myos myos blud nas ri la phyin tsa na rta rnams kyi rmig pa la skyon byas so/ /rta mog ro mgo dmar de gzhan gyi rta bang gis mi slebs pa yin pas/ de bzhon nas khong bzhi la chu gtor dgra byung longs byas pas/ khong bzhis tho me tho me langs tsa na lcag brgyab shad kyis song ba dang / khong bzhi po na re/ bod kyi blon po chen po de 'dra byed pa sngar nas dogs dogs pa der byas so/ /'o skol rnams log na ni rgyal pos chad pa gcod pas blonapo de rang gi phyir 'brangs zer nas song / blon pos kyang mi nye mi ring bar khrid nas phyin tsa na/ lha gcig gi 'khor dang blon po mgar gyi srung ma las bod kyi mi'i rus rgya yin tshad de rnams las gyes pa yin no/ /der shul du rgya nag gi ljang pa skyes pa na shin tu bzang bar byung ba la/ ston du song tsa na snye ma long bar song nas/ gcig na re/ bod kyi blon pos gdug pa byas pa 'dra/ snye ma thams can long bar song 'dug zer/ der rgya thams cad kyis dar zab kyang rabs bcad/ shing thams cad kyang bsregs/ lug thams cad kyang bsad/ shAkya mu ne yang lha gcig gis khyer bas bod kyi blon pos rgya'i yul khams thams cad phung bar byas so/ /zhes gleng bas gcig gis gcig tu brgyud nas rgyal po'i snyan song ngo / /rgyal po'i bsam pa la bden nam snyam nas/ ngan pa de bod song ba yin ded cig gsungs pas/ rta pa mang po 'ded du btang ngo / /blon pos nyin gcig mtsher rnying pa zhig nas gyad pa mi bzhi sbangs skam po 'thu ru bcug nas gtsang po la bskyur bas rgya'i ded mis chu'i nang nas sbangs byung ba mthong bas/ der slebs kyang phan med kho la bsu ba'i dmag mang po byung bas rab la brgal ba'i sar rta'i sbangs btang ba yang 'di tsam byung zer ro/ /gcig na re/ da dung ded cig zer nas bdas tsa na/ yang blon pos rta lcag gi rgyu'i spa nags dang 'phrad nas spa mang po bcad de lcags mang pa byas nas chu la bskur bas/ rgya'i ded mis mthong nas 'o skol rnams kyis kho'i rjes slebs kyang phan med/ rta lcag chu la lhung ba yang 'di tsam 'dug pa la 'o skol thams cad thabs kyis khrid 'gro/ log pa legs zer nas mar log go/ /de nas blon po yang byon tsa na/ kong jo dpon g.yog nam zla dbyar kha'i nyi ma dros pa'i dus su spang thang bde mo me tog khra yal le ba la/ dar dkar gyi gur phub/ rin po che'i khri bshams/ za 'og gi 'bol bting / lha shAkya mu ne gser khri la bzhugs/ de'i drung du kong jos 'bras chang lhung bzed bkang nas/ mchod pa mang pa 'bul zhing me tog dang / bdug spos kyis mchos nas dngul gyi pi wang gi rgyud la brten nas bstod pa/ rnam dag sku lnga mchog tu gzugs bzang ba/ /ye shes rgya mtsho gser gyi ri bo 'dra/ /grags pa 'jig rten gsum