na lham me ba/ /mgon po mchog khyod la ni gus phyag 'tshal/ /ces bstod pa phul/ de nas lha gcig la bsang bu 'dren/ de'i lhag ma rnams g.yog mo rnams pham pham byed do/ /de nas sgang bu shin tu mtho sa nas bltas tsa na/ gyad khal dang bcas pa slebs te/ la la ni phyag byed/ la la ni bstod pa byed/ la la ni rtsed dga' ste 'dod pa'i longs spyod la longs spyod/ tshul de lta bus snga dro re la nyin lam bcu drug re gcod cing 'ongs so/ /der blon po mgar gyis nag shod du kong jo chas pa'i rjes slebs te/ dga' ston chen po yang byas so/ /kong jo la blon po mgar gyi bu chags pas rgyal mo 'phrang lam 'chos shing dus 'gor zer ba sogs su gyur bya ba dang / sha ba la zhing rmod pa dang / glang bu ngu thang du dus 'gor bar yang gyur to/ /shAkya mu nes bod kyi sa gzhi thams cad zhabs kyis bcags so/ /de nas rgyal po la pho nya bsrings nas rgya mo kong jo yang gdan 'drongs nas yod/ gser gyi lha shAkya mu ne yang gdan 'drongs nas yod do/ gyad mi brgyad kyang yod bya ba'i pho nya ba bsrings nas/ bsu ba'i bkod pa dang lam 'phrang yang legs par 'chos shig byas pas/ grong khyer ba rnams kyis shar phyogs mgar sna'i gdong du lam 'chos shig par bka' bstsal to/ /yang kong jo dang lha shAkya mu ne lho phyogs nas 'ong bas/ grong khyer ba kun gyis lho bse sgrom gyi lam 'chos shig par bka' bstsal to/ /yang kong jo dang lha shAkya mu ne nub phyogs nas 'ong bas/ grong khyer ba kun gyis nub phyogs dan 'bag nas lam 'chos shig ces bka' bstsal to/ /yang kong jo dang lha shAkya mu ne byang phyogs nas 'ong bas/ grong khyer ba kun gyis byang phyogs sgo phug nas lam 'chos shig par bka' bstsal to/ /de nas yang phyogs bzhi ka nas kong jo dang lha shAkya mu ne byon par gyur to/ /shar phyogs rgya mo rab kha bya bar thogs/ lho phyogs bse sgrom gyi phu na 'khyags pa yod pas de la kong jo na re/ 'di dung dkar g.yas su 'khyil ba 'dra zer/ nub phyogs phag sna'i gdong du sa sgo bye ba dang / gnam sgo bye ba la mgon po mched lcam dral rdo la 'bur du dod pa yod zer ro/ /byang lha bsu gdong na bus ba byed pa yang gnang / lha sa'i nags kyi gseb ne chung gi stod na chu mig gi 'dam du shing rta bying ba dang / gyad lha dgas sku btegs/ klu dgas shing rta btegs te 'dam nas bton pas/ shing rta 'gul bar ma nus so/ /bskyod par ga la nus/ gyad gnyis ngal sos nas gyad lha dgas sku btegs pas 'gul bar ma nus bskyod par ga la nus so/ /gyad lha dga' dang klu dga' gnyis ka log nas btegs pas kyang sku de shin tu lci bar gyur nas der bzhugs te sa las bral ma nus so/ /kong jos snyam na 'di ji ltar yin/ ci'i rtags yin snyam te/ spor thang sum brgya'i gab rtse bting nas ju zhag brtsis pas/ bod kha ba can gyi rgyal khams 'di sa gzhi srin mo gan rkyal la 'gyel ba 'dra bar mkhyen/ lha sa'i 'o thang gi mtsho srin mo'i snying khrag tu mkhyen/ sa yul de ni snying khar mkhyen/ thang 'di'i dkyil na ri bog chad de gnyis snying gi rus pa sems can thams cad kyi srog za ba'i gnod sems su mkhyen/ shar gyi ri sna nub tu zug nub kyi ri sna shar du zug lho'i ri sna byang du zug byang gi ri sna lhor zug pa de/ mi spyod ngan pa/ sa gzhi thams